Lungleiah IPRP&S Minister Dr Vanlalthlana’n District MJA member-te leh I&PR Office-a thawktute thingpui a inpui

#ZONEWS Lunglei September 11, 2025: Tukin khan Information, Public Relations, Printing & Stationery (IPRP&S) Minister Dr Vanlalthlana chuan Lunglei Circuit House-ah Mizoram Journalists’ Association (MJA), Lunglei District member-te leh Information & Public Relations (I&PR) Office, Lungleia thawktute kawmin, thingpui a inpui.

Minister hova inkawm honaah hian District Information & Public Relations Officer Pu C. Lalhruaitluanga chuan Lungleia I&PR Office dinhmun tlangpui tar langin, office tihchangtlunna tur leh mamawh an neih hrang hrangte Minister hnenah hian a thlen a. Minister chuan Department tichangtlung tura ruahmanna hrang hrang siam a nih thu sawiin, sum mamawh dil leh ngaihtuah a nih dan te, thawktu indaih lohna phuhru tura thawktu lak belh leh hmanraw mamawh hrang hrang lei belh tura hma lak a nih thu te a tar lang a. Lungleia thawktute pawh indaih lo tak chunga ṭha taka hna an thawk thei chu fakawm a tih thu a sawi.

MJA Lunglei District President Pu H. Lalthansanga chuan Minister-in inkawmna hun remchang a siam avanga lawm thu sawiin, MJA Lunglei dinhmun tlangpui a tar lang a. MJA member-te chuan journalist-te hamṭhatna leh hmasawnna tur te, sawrkar nen thawh hona ṭha a awm theihna tur leh ram hmasawnna tura an ngaih pawimawh hrang hrangte Minister hi an sawipui bawk.

IPRP&S Minister Dr Vanlalthlana chuan District MJA member-te leh I&PR Office-a thawktute’n an mamawh leh ngaih pawimawh a hnena an thlente chu a theih anga bawhzui a nih tur thu sawiin, Lungleia I&PR leh MJA te’n thawh hona ṭha tak an neih chu vawng nung zel turin a chah a. Sawrkarin journalist-te tan hamṭhatna tur ruahmanna hrang hrang a kalpui tih sawiin, journalist-te chu mipuite’n sawrkar hma lakna an hriat theih nan leh an tana hamṭhatna ruahmante a chawr tur takte’n an chhawr theih nana puanzar kawngah theih tawp chhuah zel tur leh a ṭulnaah chuan sawrkar pawh finchhuah zel turin a chah.

Attachment

Lungleiah IPRP&S Minister Dr Vanlalthlana’n District MJA member-te leh I&PR Office-a thawktute thingpui a inpui

2079/2025-2026

Lunglei, 2025 Mimkut thla ni 11: Tukin khan Information, Public Relations, Printing & Stationery (IPRP&S) Minister Dr Vanlalthlana chuan Lunglei Circuit House-ah Mizoram Journalists’ Association (MJA), Lunglei District member-te leh Information & Public Relations (I&PR) Office, Lungleia thawktute kawmin, thingpui a inpui.

Minister hova inkawm honaah hian District Information & Public Relations Officer Pu C. Lalhruaitluanga chuan Lungleia I&PR Office dinhmun tlangpui tar langin, office tihchangtlunna tur leh mamawh an neih hrang hrangte Minister hnenah hian a thlen a. Minister chuan Department tichangtlung tura ruahmanna hrang hrang siam a nih thu sawiin, sum mamawh dil leh ngaihtuah a nih dan te, thawktu indaih lohna phuhru tura thawktu lak belh leh hmanraw mamawh hrang hrang lei belh tura hma lak a nih thu te a tar lang a. Lungleia thawktute pawh indaih lo tak chunga ṭha taka hna an thawk thei chu fakawm a tih thu a sawi.

MJA Lunglei District President Pu H. Lalthansanga chuan Minister-in inkawmna hun remchang a siam avanga lawm thu sawiin, MJA Lunglei dinhmun tlangpui a tar lang a. MJA member-te chuan journalist-te hamṭhatna leh hmasawnna tur te, sawrkar nen thawh hona ṭha a awm theihna tur leh ram hmasawnna tura an ngaih pawimawh hrang hrangte Minister hi an sawipui bawk.

IPRP&S Minister Dr Vanlalthlana chuan District MJA member-te leh I&PR Office-a thawktute’n an mamawh leh ngaih pawimawh a hnena an thlente chu a theih anga bawhzui a nih tur thu sawiin, Lungleia I&PR leh MJA te’n thawh hona ṭha tak an neih chu vawng nung zel turin a chah a. Sawrkarin journalist-te tan hamṭhatna tur ruahmanna hrang hrang a kalpui tih sawiin, journalist-te chu mipuite’n sawrkar hma lakna an hriat theih nan leh an tana hamṭhatna ruahmante a chawr tur takte’n an chhawr theih nana puanzar kawngah theih tawp chhuah zel tur leh a ṭulnaah chuan sawrkar pawh finchhuah zel turin a chah.

Attachment