Lungleiah polling station siam rem chungchang ngaihtuahin District Level Standing Committee an ṭhu khawm

#ZONEWS Lunglei September 1, 2025: Vawiin khan Lunglei District Level Standing Committee (DLSC) chu an Chairman, District Election Officer Pi Navneet Mann hovin Lunglei DC Conference Hall-ah an ṭhu khawm a. Lunglei District chhunga polling station ṭhenkhat siam rem, siam thar leh ṭhiah ngai chungchang an sawi ho.

Chairman Pi Navneet Mann chuan Election Commission of India (ECI) thuchhuak angin polling station siam rem theihna (rationalisation) hun hawn a nih thu sawiin, polling station awmna hmuna Booth Level Officer, political party-te leh tlawmngai pawlte rem tihna leh official-te’n a hmuna an enfiah thlap hnua chuti ang rawtna lo lutte chu DLSC-in thlir ho va, ECI-a thlen chhawn leh tur a nih thu a sawi a. Polling station pakhata voter 1,200 aia tam awmnaah polling station thar hawn belh emaw, siam rem emaw a theih thu sawiin, polling station siam remnaah chhungkaw khata mite polling station hranga dah an nih loh nan fimkhur a ṭul thu a sawi.

Election Officer Pi Lalhruaitluangi chuan Lunglei District chhunga polling station siam rem ngai rawtna lutte tar langin, rawt a nih chhan a sawi fiah a. He’ng rawtnate hi sawi ho a nih hnuah, rawtna lut pariat zinga pathum chu pawm niin, a bak panga chu a ṭul anga la ngaihtuah ṭhat atan dah a ni.

Vawiina Lunglei District chhunga polling station siam rem rawtna DLSC-in a pawm zingah hian 32/16-Venglai-II Polling Station chu voter 1,326 an awm tawh avangin polling station thar hawn belh a ṭul a. Voter 1,064 awmna 32/15-Venglai-I PS-a voter awmte nen sem rualin, polling station thar (Venglai-III) hawn belh dil ni se, tih a ni a. 35/11-Tuichawng-I-ah pawh voter 1,214 an awm tawh avangin voter 462 awmna 35/12-Tuichawng-II nena voter sem rual dan zawn ni se, tih a ni a. Dampui Sanctuary din a nih avanga Dampui khuaah cheng an awm tawh loh avanga 34/7-Dampui Polling Station ṭhiah rawtna chu pawm a ni bawk.

Lungleiah polling station siam rem chungchang ngaihtuahin District Level Standing Committee an ṭhu khawm

1951/2025-2026

Lunglei, 2025 Mimkut thla ni 1: Vawiin khan Lunglei District Level Standing Committee (DLSC) chu an Chairman, District Election Officer Pi Navneet Mann hovin Lunglei DC Conference Hall-ah an ṭhu khawm a. Lunglei District chhunga polling station ṭhenkhat siam rem, siam thar leh ṭhiah ngai chungchang an sawi ho.

Chairman Pi Navneet Mann chuan Election Commission of India (ECI) thuchhuak angin polling station siam rem theihna (rationalisation) hun hawn a nih thu sawiin, polling station awmna hmuna Booth Level Officer, political party-te leh tlawmngai pawlte rem tihna leh official-te’n a hmuna an enfiah thlap hnua chuti ang rawtna lo lutte chu DLSC-in thlir ho va, ECI-a thlen chhawn leh tur a nih thu a sawi a. Polling station pakhata voter 1,200 aia tam awmnaah polling station thar hawn belh emaw, siam rem emaw a theih thu sawiin, polling station siam remnaah chhungkaw khata mite polling station hranga dah an nih loh nan fimkhur a ṭul thu a sawi.

Election Officer Pi Lalhruaitluangi chuan Lunglei District chhunga polling station siam rem ngai rawtna lutte tar langin, rawt a nih chhan a sawi fiah a. He’ng rawtnate hi sawi ho a nih hnuah, rawtna lut pariat zinga pathum chu pawm niin, a bak panga chu a ṭul anga la ngaihtuah ṭhat atan dah a ni.

Vawiina Lunglei District chhunga polling station siam rem rawtna DLSC-in a pawm zingah hian 32/16-Venglai-II Polling Station chu voter 1,326 an awm tawh avangin polling station thar hawn belh a ṭul a. Voter 1,064 awmna 32/15-Venglai-I PS-a voter awmte nen sem rualin, polling station thar (Venglai-III) hawn belh dil ni se, tih a ni a. 35/11-Tuichawng-I-ah pawh voter 1,214 an awm tawh avangin voter 462 awmna 35/12-Tuichawng-II nena voter sem rual dan zawn ni se, tih a ni a. Dampui Sanctuary din a nih avanga Dampui khuaah cheng an awm tawh loh avanga 34/7-Dampui Polling Station ṭhiah rawtna chu pawm a ni bawk.