Mamit District Institute of Education & Training (DIET) te’n Graduation Day & Freshers’ Social an hmang

#ZONEWS Mamit September 03, 2025 : Vawiin khan District Institute of Education & Training (DIET) te chuan Chhimveng YMA Hall-ah Graduation Day & Freshers’ Social an hmang a, Pu K.Laltlawmlova, District Bawrhsap chuan Khual lian ni a telpuiin lawmman semna a nei.

Khual Lian chuan Mamit District chu Aspirational District kan nih avangin Education Sector-ah bik chu kan hnufualna berte zinga mi a ni thin a, tunhnaiah hmasawnna hmel kan hmu chho zel a, hmabak tam tak pawh kan la nei mek zel a ni a ti. Thawktute pawh tunlai thiamna mil zela intuaithar tur leh ram tana mi tangkai chherchhuaktu tur, zirtirtu la ni turte enkawltu an nih anga theihtawpchhuah turin a chah a ni.

District Bawrhsap chuan DIET, Mamit-in Mizoram puma pakhatna leh pasarihna dinhmun hial luah theia an awm chu a lawmawm hle a, training mekte tan pawh chona nise, hun lokal zel turah pawh hlawhtlinna duhawm tak tak chang zel tura tan la turin zirlai naupangte a chah bawk.

Vawiin Graduation Day leh Freshers’ Social hi chawhnu hun leh chawhma huna then niin Chawhma hun hi Pu K Lalnunfela, District Education Officer chuan telpuiin zirlaite leh thawktute fuihna thu a sawi bawk.

Kumin D.El, Ed. (Diploma in Elementary Education) 2023- 2025 batch result chhuaka Mamit DIET atanga Mizoram puma pakhatna C.Lalzawmdiki leh parihna dinhmun hauhtu C.Lalmuankima te chu khuallian hian chawimawna thuziak leh pawisa fai a hlan a ni.

D.El.Ed 2025 result chhuakah hian Mamit DIET atanga exam beitu mi 35 awmin, Distinction ah mi 3,1st division-ah mi 31, 2nd division-ah mi 1 te an passed a ni.

Vawiin hun hi Lalromawii Lailung, Principal DIET chuan a kaihruaia, zirlai naupangte’n intihhlimna chi hrang hrang an hmang a ni.

Mamit District Institute of Education & Training (DIET) te’n Graduation Day & Freshers’ Social an hmang

1977/2025-2026

Dated : Mamit the 3rd of September, 2025 : Vawiin khan District Institute of Education & Training (DIET) te chuan Chhimveng YMA Hall-ah Graduation Day & Freshers’ Social an hmang a, Pu K.Laltlawmlova, District Bawrhsap chuan Khual lian ni a telpuiin lawmman semna a nei.

Khual Lian chuan Mamit District chu Aspirational District kan nih avangin Education Sector-ah bik chu kan hnufualna berte zinga mi a ni thin a, tunhnaiah hmasawnna hmel kan hmu chho zel a, hmabak tam tak pawh kan la nei mek zel a ni a ti. Thawktute pawh tunlai thiamna mil zela intuaithar tur leh ram tana mi tangkai chherchhuaktu tur, zirtirtu la ni turte enkawltu an nih anga theihtawpchhuah turin a chah a ni.

District Bawrhsap chuan DIET, Mamit-in Mizoram puma pakhatna leh pasarihna dinhmun hial luah theia an awm chu a lawmawm hle a, training mekte tan pawh chona nise, hun lokal zel turah pawh hlawhtlinna duhawm tak tak chang zel tura tan la turin zirlai naupangte a chah bawk.

Vawiin Graduation Day leh Freshers’ Social hi chawhnu hun leh chawhma huna then niin Chawhma hun hi Pu K Lalnunfela, District Education Officer chuan telpuiin zirlaite leh thawktute fuihna thu a sawi bawk.

Kumin D.El, Ed. (Diploma in Elementary Education) 2023- 2025 batch result chhuaka Mamit DIET atanga Mizoram puma pakhatna C.Lalzawmdiki leh parihna dinhmun hauhtu C.Lalmuankima te chu khuallian hian chawimawna thuziak leh pawisa fai a hlan a ni.

D.El.Ed 2025 result chhuakah hian Mamit DIET atanga exam beitu mi 35 awmin, Distinction ah mi 3,1st division-ah mi 31, 2nd division-ah mi 1 te an passed a ni.

Vawiin hun hi Lalromawii Lailung, Principal DIET chuan a kaihruaia, zirlai naupangte’n intihhlimna chi hrang hrang an hmang a ni.