Mizo National Youth Front, District Hqrs. Lawngtlai chuan tunhnai a Lawngtlai DC hnuaia Casual Driver lak dan ah thil fel lo inzep a awm tih an sawi.

#ZONEWS #POLITICS August 02, 2025:
Mizo National Youth Front, District Hqrs. Lawngtlai chuan tunhnai a Lawngtlai DC hnuaia Casual Driver lak dan ah thil fel lo inzep a awm tih an sawi.

Vawiin khan Mizo National Youth Front, District Hqrs. Lawngtlai hruaitute chuan an President Pu JK Lalhnehchunga hovin, Lawngtlai Press Club ah Thuthar thehdarhtute kawmin, DC Lawngtlai hnuai a DM&R Branch a Emergency Response Cehicle khalhtu tur lakna ah he hna pawh dil lo, Interview pawh hmachhawnlo, Lawngtlai Chandmary veng a mi lak a ni tih an sawi a, Driver laktur hi Chanchinbu lam ah pawh tihchhuah a nilo tih sawiin, Office Notice Board ah tar a ni an ti.

He hna diltu mi panga zingah July 2, 2025 khan mi pali in interview hmachhawnin, hemi ni vek hian he hna diltu pawh nilo, Interview pawh hmachhawn lo chu lak a ni tih MNF Thalai hruaitute chuan sawiin, hemi chungchang hi RTI hmanga an zawh hnu ah, Driver an lak tak chu thlak in, he hna diltu zing ami Thingkah a mi chu lak a ni zui an ti.

Hetianga felhlel taka hnalak hi hriatthiam theih a nilo tih MNF Thalaite chuan sawiin, ZPM Sorkar chu midang aia tha bik leh fel bik tura an intiamna chu hlenchhuak ngam se an duh thu an sawi.