MIZORAM SORKÂR SCHOOL EDUCATION DEPARTMENT-IN SCIENTIFIC LABORATORY EQUIPMENT AN SEM

#ZONEWS Mizoram September 04, 2025: Vawiin Ningani chhûn dâr 11:00 A.M khân School Education Department chuan Treasury Square, Aizâwla an pisa-pui – Directorate tual zâwlah kum 2025 ‘Zirtîrtute Ni’ (Teacher’s Day) denchhenin HSLC Exam Centre 105 leh HSSLC Exam Centre 15 hnênah Scientific Laboratory Equipment an sem a. He programme hi Pi Angela Zothanpuii, Director, School Education Department chuan a kaihruai a; Pu David Lalthantluanga, Special Secretary, School Education Department, Gov’t. of Mizoram chuan he hun hi hmanpuiin Scientific Laboratory Equipment-te hi a sem a ni.

Pu David Lalthantluanga, Special Secretary, School Education Department chuan sikul changtlunna tûr leh zirlaite hmasâwnna tûrin sorkâr chuan theih tâwp a chhuah thu a sawi a; Scientific Laboratory Equipment-te hi zirlaite tâna țangkai leh an thiamnate tipungtu a nih ngei a beisei thu a sawi a. Zirtîrtu indaih lohna phuhrûk nân zirtirtu lâk belh tum mêk a nih thu sawiin, zirlaiten nakin zêla an la țangkaipui tûr vocational education lama theih tâwp chhuah a țûl thu te sawiin, zirna hmanraw țha tak tak dawngtuten an chhawr țangkai ngei theih nân duhsakna a hlân a ni.

He hun kaihruaitu Pi Angela Zothanpuii, Director, School Education Department pawhin COVID-19 hripui len hnuah Scientific Laboratory Equipment sem a la nih loh thu a sawi a; tûnah School Education Department Special Secretary theih tâwp chhuah azâra HSLC leh HSSLC Exam Centre-te hnêna Scientific Laboratory Equipment sem a han ni leh thei ta chu lâwmawm a tih thu a sawi.

HSLC leh HSSLC Exam Centre-te aiawha thu sawitu pawhin Scientific Laboratory Equipment-te hi sorkâr sikulte kuta hlan ni mah se, private sikul zirlaite nena hman țangkai ho vek a nih avângin a lâwmawmin a țangkai dâwn hle tih a sawi bawk. He Scientific Laboratory Equipment semnaah hian Pu Zohmingthanga, Joint Director of School Education chuan lâwm thu sawiin hun a khâr a ni.

School Education Department-in HSLC Exam Centre 105 leh HSSLC Exam Centre 15 hnêna Scientific Laboratory Equipment an sem dân chu Microscope 150, Analytical balance 30, Meter bridge 75, Prism 635, Ammeter 635, Rheostat 381, Burette 635, Conical Flask 635, Beaker 635, Measuring Cylinder 635, Test Tube 2540, Glass Slab 635, Concave Lens 635, Convex Lens 635 leh Spirit Lamp 381 te a ni.

MIZORAM SORKÂR SCHOOL EDUCATION DEPARTMENT-IN SCIENTIFIC LABORATORY EQUIPMENT AN SEM

1988/2025-2026

Ni 4.9.2025: Vawiin Ningani chhûn dâr 11:00 A.M khân School Education Department chuan Treasury Square, Aizâwla an pisa-pui – Directorate tual zâwlah kum 2025 ‘Zirtîrtute Ni’ (Teacher’s Day) denchhenin HSLC Exam Centre 105 leh HSSLC Exam Centre 15 hnênah Scientific Laboratory Equipment an sem a. He programme hi Pi Angela Zothanpuii, Director, School Education Department chuan a kaihruai a; Pu David Lalthantluanga, Special Secretary, School Education Department, Gov’t. of Mizoram chuan he hun hi hmanpuiin Scientific Laboratory Equipment-te hi a sem a ni.

Pu David Lalthantluanga, Special Secretary, School Education Department chuan sikul changtlunna tûr leh zirlaite hmasâwnna tûrin sorkâr chuan theih tâwp a chhuah thu a sawi a; Scientific Laboratory Equipment-te hi zirlaite tâna țangkai leh an thiamnate tipungtu a nih ngei a beisei thu a sawi a. Zirtîrtu indaih lohna phuhrûk nân zirtirtu lâk belh tum mêk a nih thu sawiin, zirlaiten nakin zêla an la țangkaipui tûr vocational education lama theih tâwp chhuah a țûl thu te sawiin, zirna hmanraw țha tak tak dawngtuten an chhawr țangkai ngei theih nân duhsakna a hlân a ni.

He hun kaihruaitu Pi Angela Zothanpuii, Director, School Education Department pawhin COVID-19 hripui len hnuah Scientific Laboratory Equipment sem a la nih loh thu a sawi a; tûnah School Education Department Special Secretary theih tâwp chhuah azâra HSLC leh HSSLC Exam Centre-te hnêna Scientific Laboratory Equipment sem a han ni leh thei ta chu lâwmawm a tih thu a sawi.

HSLC leh HSSLC Exam Centre-te aiawha thu sawitu pawhin Scientific Laboratory Equipment-te hi sorkâr sikulte kuta hlan ni mah se, private sikul zirlaite nena hman țangkai ho vek a nih avângin a lâwmawmin a țangkai dâwn hle tih a sawi bawk. He Scientific Laboratory Equipment semnaah hian Pu Zohmingthanga, Joint Director of School Education chuan lâwm thu sawiin hun a khâr a ni.

School Education Department-in HSLC Exam Centre 105 leh HSSLC Exam Centre 15 hnêna Scientific Laboratory Equipment an sem dân chu Microscope 150, Analytical balance 30, Meter bridge 75, Prism 635, Ammeter 635, Rheostat 381, Burette 635, Conical Flask 635, Beaker 635, Measuring Cylinder 635, Test Tube 2540, Glass Slab 635, Concave Lens 635, Convex Lens 635 leh Spirit Lamp 381 te a ni.