Mizoram Universal Health Care Scheme (MUHCS) hnuaia la inziaklut lo tan, GRACE PERIOD – August thla chhung hawn a ni!

#ZONEWS August 01, 2025: Mizoram Universal Health Care Scheme (MUHCS) hnuaia la inziaklut lo tan inziahluhna hun “Grace Period” chu August Ni 1, 2025 aṭanga hawn leh niin, inziahluh hun hi August Ni 31, 2025 thleng hawn a ni ang.

Grace Period a inziahluhna man hi hun pangngaia inziahluhna man bituk aiin za a sawmnga (50%) in a sang thung.

Enrolment hi Online in muhcsenrolment.mizoram.gov.in ah tih theih a ni a, online a inziaklut remchang lo tan Offline a inziahluh theih a ni bawk. Offline enrolment tih theihna hmunte –

1.Empanelled damdawiin zawng zawng (Sawrkar leh Private)

2.District Headquarters tinah (MSHCS District Coordinator te hnenah)

3.Mizoram State Health Care Society Office, Dinthar, Aizawl

Grace Period a inziaklut tharte tan inziahluh ni hma lama damdawiin awmna senso bill let nan a hman theih loh.

Grace period a inziahluh ngai tawh lote –

i) April – June, 2025 inkara MUHCS hnuaia man chawia lo inziaklut tawhte

ii) Category dang (Sawrkar hnathawk, PE, MR, CSS employee, GIA funded employee, Civil pensioners, etc.) atanga MUHCS lo zawm fel tawhte

iii) AB PM-JAY Golden card nei chhungkaw tan a hrana man chawia inziah luh ve kher a ngai tawh lo.

Hrechiang duh tan 0389-2328223 ah zawh fiah theih a ni.

Issued by Mizoram State Health Care Society