“MNF chu LADC inthlan lo awm turah a sawrkar leh ngei dawn.” – Pu Lalzahawma (MNF Chhung inkhawm)

#ZONEWS #POLITICS Lawngtlai August 04, 2025:
MNF chu LADC inthlan lo awm turah a sawrkar leh ngei dawn ani tih Pu Lalzahawma Chinzah President MNF Dist Hqrs Lawngtlai chuan vawiina an party chhung inkhawmna an party office a neihah a sawi a.

Pu Lalzahawma Chinzah chuan, Kumin kumtawpa LADC hnuaia MDC inthlan lo awm turah MNF chu a malin a sawrkar leh ngei dawn a ni, a ti a. Lairam mipuiten MNF ah beiseina sang tak an nghah mek thu a sawi.

A sawi zelnaah, “Vawiin nia Car man to a Chief Minister a chuang hi mak mipuiin an ti hran lo, mahse, a inzawrhna ah ZPM CM chu Car man to ah a chuang lo vang, a ti a. Amah ber chu a thusawi ah a ding leh tawh silo erawh hi chu —mipui hian hmalam hun zelah rinngam a har an ti tawh a, mak an ti tan hle a ni, a ti.

Pu Zahawma chuan, Party policy a tui lo, a mimal a kal te hi party ah an tlo lo a, zuanglawr tih anni reng tawh mai dawna awmzia an neilo politics ah ringam an har tawh thin a ti bawk.

MNF party office chhung inkhawmna neih hi, Pu C. Lalduhawma Adviser MNF Dist Hqrs in a kaihruai a, Pu JH Vanramngaia Adviser in hunserh a hmang ani. He hunah hian MDCs – Pu Lalropuia Chinzah, Pu C. Hrangthianga te leh party mite an tel a ni.