Motor nei chuan a dahna in (garage) a nei tur a ni. Kawngpui sira chhun zan zawma motor riah tih tawp vek ni rawh se. – Center for Environment & Social Justice thuchhuah

#ZONEWS Jul 17, 2025: Nimin Dated 16.07.2025 khan Centre For Environment & Social Justice te chuan AMC Municipal Commissioner hnenah Memorandumkan thehlut a. CESJ te chuan kan Memorandum thehluh ah hian Municipal Commissioner chu Aizawl khawpui chhung mipuite himna leh zahawmna humhimsak tura khawpui chhung tawp lutuk thenfai tura hma la tūrin an ngen a ngun taka an ngaihtuah hnuin heng a hnuaia an tarlanah te hian hma la turin AMC chu an ngen a ni:

1. Municipal Area chhung veng hrang hranga kawngpui kam, kea kalna (pavement) a chawhmeh zuar zawng zawng, a bul hnai bazar in sak chhunga sawn luh vek ni rawh se.

2. Motor nei chuan a dahna in (garage) a nei tur a ni. Kawngpui sira chhun zan zawma motor riah tih tawp vek ni rawh se.

3. Mimal sumdawng/dawrkai motor parking nei lo, an dawr kawta ni leng zankhuaa motor park thin hi tihtawp ni rawh se. Vantlang kawngpui mi hausa ten motor hun nana thlabi-a an lei hi thil dik lo hulhual a ni a. Tihtawp ni bawk rawh se.

4. Motor neitute hian mator dahna (garage) nei vek tura tih kan nih angin, kan motor lei thar registration kan tih rualin garage kan nei a nih tih Local Council hriatpuina lehkha transport authority ah kan theh lut nghal a. Garage nei anga transport a lehkha theh lut, nei si lote hi sawrkar/mipui bum an ni a, an registration cancel sak ngei ngei tur a ni. Garage nei anga insawi nei si lote hian sawkar/ mipui an bum a hnu hmanah, vantlang kawng puiah dan bawhchhiain an lirthei an hung zui a, ram pawi an sawi dan hi a double a ni.

5. Aizawl Municipal Area zawng zawnga Taxi stand hi en that ni rawh se. Taxi permit pek chhuah an nih ruala vantlang kawngpui, alkatra luan chhunga eizawn/sumdawn phalna hi pek nghal an ni em? A nih chuan eng dan hmanga pek nge an nih? Mimal sumdawn nan vantlang kawngpui hman ngawt hi thil thiang a ni lo a. Mitin hian kawng pui hi ei zawn nan kan duh vek ang. Taxi hmanga ei zawngte pek bik hi a dik lo hulhual a. Chuvangin vantlang kawng ni loa Taxi te an service dan ruahman thuai ni rawh se.

6. City Bus tawng lutuk tawh, kawng chho deuha chhe fo mai hian, traffic a ti zam ngun hle a, nunphung pangai an tihkhailak tam tawh. Motor hlui tawh lutuk a nih vanga a meikhu chhuah atanga khu dum ngen ngun chhuah thin zawng zawng tlan tir tawh loh ni rawh se.

7. Dawrkai bungraw loading leh unloading hi zingkar dar 7 hma leh zan dar 8 hnuah tih vek ni rawh se.

8. Vantlang kawngpuia in sakna bungraw awmkhuah, iron rod, cement, brig, cubic lung, rawra leh balu te bun lawktu te’n, arang thei ang berin an thiar fihlim tur a ni. Tin, an hnuhma an tifai ngei ngei tur a ni.

9. Sawrkar office, shopping mall lian, damdawi in, hotel, movie theatre, conference /seminar hall ah customer te dawl zo tur parking nei vek rawh se.

10. Dawr kai te’n an dawr hma kea kalna (pavement) a dawr bungrua an dah leh lirthei eng chi pawh an hung thin hi khap ni rawh se.

11. Municipal Area huam, vantlang kawng kama motor/tow wheeler workshop a awm leh awm loh en fiaha; mipui vantlang tana hnawkte tihtawp vek ni rawh se.