Nghilh bik suh aw Rinpui tih hla phuah chhan Rinpuii, Zawlnuam Thuampui veng chuan Cancer natna avangin chatuan ram min pan san ta.

#ZONEWS #ZUALKO August 02, 2025: Zoram dung leh vanga kan hriat lar em em thin, “Nghilh bik suh aw Rinpui” tih hla, Pu Lallianmawia Pachuau (Fam) sak thin a, a phuahtu phuah chhan Rinpuii khan, Zawlnuam Thuampui vengah Cancer natna avangin vawiin chhun dar 12:25PM khan chatuan ram min pan san ta. Pi Rinpuiin a kal san tak a pasal fanaute kan tuarpuiin Pathian thlamuanna leh awmpuina kan dil sak a ni.

Amah uina thu Pi Rinpuii te khua Zawlnuam awmna Hachhek bialtu MLA Pu Robert Romawia Royte thu ziak hi kan han dah chhuak ange.

Mangtha aw Rinpui

Nghilh bik suh aw Rinpui tih hla phuah chhan Rinpuii tenen hian KR High School,Zawlnuamah kan in classmate thin a. A tleirawl lai, nulat lai leh Nu chang anih hnu pawhin rualkawm thiam leh intelligent tak a ni a, a hmelthain a nun a tlawm bawk. Cancer natna avangin Aizawlah tepawh an lo chho thin. Hmanni lawka an chenna in Zawlnuam Thuampui Venga ka tlawh kha kan inhmuh tawpna tur alo ni ta.

Tukinah kan Classmate thin tho Thakima,Kawrthah VCP Mavena leh a nau Tawki ten Kawrthah Hospitala a dinhmun a thatloh thu min rawn hrilh a.Helicopter a phurhchhoh tumin Aviation Officer te ka be nghal a.Mahse tukina chhum a zin nasat avangin an thlawk thei lova,Monday atan kan ruahman laiin chhun dar 12:25pm khan chatuan ram a pan ta a ni.Mibik Rinpuii hi ava uiawm tak em.

Amahin a zir bawk a;a pasal Pu T.Lalmalsawma,Zawlnuam Thuampui Veng Vice VCP nilai leh (VCP hlun) leh a fate leh chhungkhatten a damlo an enkawl dan kha an fakawm ka ti.

Rinpuii pasal fanaute,chhungkhat lainate zawng zawng Lalpan thlamuanin awmpui zel rawh se.