‘NO VEHICLE ZONE’ CHUNGCHANGA CHAMPHAI DISTRICT SP THUCHHUAH

#ZONEWS Champhai December 19, 2025 : Krismas leh Kumthar Committee, Champhai District, Champhai in dt.28.11.2025 a Deputy Commissioner Conference Hall, Keifangtlang a meeting in a lo rel bawhzui nan, Motor Vehicle Act 1988 (Act 59 of 1988) Section 115 leh Government of Mizoram Notification No.D.12021/10/2004-TRP dt.01.06.2020 in thuneihna min pek angin, kan hma lawk hunpui Krismas 2025 lo thleng turah mipuite lirthei laka kan lo him tlan zawk nan leh thlamuang taka chakkhai dapna hun kan neih theih nan ahnuai a thupek hi ka chhuah e:

Tahrik Ni 20 (Inrinni), 22 (Thawhtanni), 23 (Thawhleh), 24 (Nilai) December 2025-ah te hian zing dar 08:00 am atanga tlai dar 05:00 pm chhungin Presbyterian Church of India, Vengthlang Biakin Gate atanga Pu K. Lalrinliana In, Awmpui phei inkar chu ‘NO VEHICLE ZONE’ (lirthei eng chi mah kal tlang leh dab phal loh) atan puan a ni.

No Vehicle Zone puan hun chhung hian lirthei tlan dan tur hetiang hian ruahmanna siam a ni:

1. Vengthlang North atanga Bazar pan turte chu Pu K. Lalrinliana In, Awmpui phei ah chhuak chho in, Pu K. Thangseia (Kim Kim Agency) kawt ah in drop in, Vety/LM school road leh Vengthlang thlanmual lam ah an kal zel ang. Bazar lamah let phal a ni Io.

2. Dawrkai Kawn atanga Bazar Pui pan te Masihi Sangati Biakin an kual chhuak anga, helai kawng hi ‘ONE WAY’ a ni ang.

3. Vengthlang North atanga Awmpui phei pan chhohna kawngah eng lirthei mah dab phal a ni lo.

4. Vety road/LM school road atanga Bazar pan turten Pu K.Thangseia (Kim Kim Agency) kawt ah in drop in, an let leh ang.

5. Thlerpui/ Buangtlang road, Pu C.Vulthanga in atangin eng motor mah Bazar lam panin kal phal a ni lo.

No vehicle Zone puan chhung hian Awmpui Phei a Taxi Stand chu sawn lailawk a ni anga, hnuai a hmun tarlan ah hian Temporary Stand siam sak an ni:

Pu Chalbawia in, luhna peng opposite YMA, Ralven Buk hrulah kawngpui dung zui zawngin Taxi 4 (pali) an ding thei ang.