Paletwa khuaa inneihnaa an man, mi 16 chhuah leh an ni

#ZONEWS August 04, 2025: Chin State, Paletwa township, Semi khua Pawa khuaa kum 2022 chawhmaa inneihnaa an man mi16-te chu August ni 1 khan Pathein jail atangin an chhuah leh thu tualchhung mite hnen atanga hriat a ni.

“Pawi khawihtute hi section hmangin thubuai an siamsak a, thenkhat chu zirtirtute unau pawh an tel. Inneihnaa kalte zingah CDF an tel nia an rin vangin mipate an man a. Kan rin dan chuan nikum 2024 December khan an chhuah kan ring a, tunah an chhuah chauh a, an chhuahte hi an hriselna a tha,” tiin tualchhung mi pakhat chuan a sawi.

Kum 2022 January ni 4, Independent nia Sami township, Pawa khuaa inneihna hmuna mipa zawng zawng chu Military council sipaiten an man vek a. An man zinga mi 16-te chu firfiak thubuai hmangin kum 3,4,7 Jail tang turin an hrem a, thenkhat chu an chhuah leh a ni.

Jail-a an hremte hi Paletwa township atangin Rakhein State, Sittwe jail-ah an thawn a, kum 2023 October khan Ayeyawadi region-a Pathein jail-ah an thawn thu hriat a ni.

Heng mi 16-te hi kum 2024 chawhnu lam khan chhuah hun tawh angin an chhungten beisei mah se, an chhuah chuang lo. Military council-ten an chhuah hunah pawh chhuah chuang lovin August ni 1-ah chauh an chhuah thu hriat a ni.

courtesy: Tahan Post.