Pawisa thir cheng sawm (₹ 10) leh cheng sawmhnih (₹20) chungchanga mipuite hnena Saitual Bawrhsap hriattirna

#ZONEWS July 15, 2025: Pawisa thir cheng sawm (₹ 10) leh cheng sawmhnih (₹20) chungchangah Saitual Bawrhsap Dr. Lalngura Tlau chuan a hnuaia tarlan ang hian hriattirna a chhuah:

HRIATTIRNA:

Pawisa thir cheng sawm (₹ 10) leh cheng sawmhnih (₹20) chungchanga mipuite hriattirna:

State Level Security Committee, Mizoram Sorkar, Reserve Bank of India leh Home Department-atanga ngenna angin a hnuaia tarlan hi mipuite lo hriat leh zawm atana chhuah a ni:

1. India Sorkar chuan, Reserve Bank of India hmangin, pawisa thir chi hrang hrang a siam a, chung zingah chuan cheng sawm (Rs.10) leh cheng sawmhnih (Rs.20) thir pawh hi a tel a. Mipui vantlang zingah, heng pawisa thir chungchanga ngaihdan dik tawk lo nei, dawng duh lo emaw, thil lei leh hralh kawnga harsatna siam an awm thin tih hriat a ni.
2. Sorkar laipuiin a siam heng pawisa thir te hi, Coinage Act, 2011 hnuaiah thil lei leh hralhna a hman tur leh pawm tlan vek tur a nih thu mipui hriat tura puan chhuah a lo ni tawh thin a. An pianhmang leh lan dang hrang hret te awm mah se, a zavai hian heng hi tangka, dan hnuaia hlutna nei leh mi tinin an pawm tlan vek tur a ni.
3. Mizoram chhunga India khua leh tui zawng zawng, mipui rawngbawltute leh tangka khawih tute, sumdawng, mi mal leh pawl zawng zawngte; heng pawisa thir cheng sawm leh cheng sawmhnih-te hi hnualsuatna nei hauh lo leh thliar hrang lova pawm thlap tura ngen leh hriattir kan ni a. Danin pawisa-a pawm, lo dawng duh lo leh hemi kawnga mi dangte tana harsatna lo siam te chungchangah a tul ang zela dan kenkawh theih a ni.