POLICE, TRAFFIC, POWER MORNING REPORT

#ZONEWS July 23, 2025:
POLICE REPORT : Tukinah Aizawl khawpui chhunga police station te leh Aizawl pawn lam district headquarters tina police station te kan be kim thei a. Tang 17 awmin hmeichhia an tel lova. Tang zingah hian Inner Line Permit neih loh vanga man hnamdang 5 an tel. Khawtual mi tang 12 te leh man an nih chhante chu : rukruk kaihhnawiha man 8 leh Narcotics case a man 4 te an ni a. Khawtual mi Tang 12 zingah rukruk kaihhnawiha man hi zaa 67%% vel an ni. Kan biak thin police station 14 leh out post 1 zingah tang awm lohna PS 9 a awm.

Lunglei PS ah tang 4, mipa 2 leh hmeichhia 2 an kawl a; an vai hian Heroin hawng 10 tawlh chungchanga man an ni. Bawngkawn PS ah tang 3 kawlin, rukruk vanga man 2 leh rukruk tum nia rinhlelh man 1 te an ni a. Aizawl PS ah rukruk vanga man 2 kawlin, Zonuam Out Post ah rukruk vanga man 2 bawk an kawl a. Kulikawn PS ah rukruk vanga man 1 an kawl a. Kolasib PS ah Inner Line Permit neih loh vanga man hnamdang 5 an kawl a ni.

TRAFFIC REPORT : Ni 21.07.2025 a Aizawl a Traffic Rules bawhchhia man zatte : Two Wheeler 19 leh LMV 12 te a ni a, pawisa chawitir zat Rs. 15,500/- a ni. Vawiin hi Aizawl ah mimal leh sorkar lirthei number 5 leh 6 a tawpte tlan loh ni a ni a. LMV Taxi leh Two Wheeler Taxi A te tlan loh ni a ni bawk.

POWER REPORT : State Load Despatch Centre atanga thu kan dawn danin, nimin lama kawlphetha kan hman tam lai ber nizan dar 07:00 a kan hman zat 136.32 MW; kan hman tlem lai ber nimin zing dar 04:15 a kan hman zat 51.91 MW a ni. Kan hman tam lai ber 136.32 MW ah hian Central Sector : Tuirial Hydel Project atanga hmuh 54.77 MW te; Private Sector : Vankal Solar Park atanga hmuh 4.21 MW te; State Sector : Serlui B Small Hydel Project siam chhuah 3.00 MW te, Kau-Tlabung Small Hydel Project siam chhuah 2.44 MW te, Tlawva Small Hydel Project siam chhuah 2.40 MW te, Kawlbem Small Hydel Project siam chhuah 1.21 MW te, Maicham-1 Small Hydel Project siam chhuah 1.00 MW te, Khawiva Small Hydel Project siam chhuah kilo watt 660 leh Tlungvel Solar Plant siam chhuah kilo watt 450 te a tel. Heng power siam chhuahte hi an siam chhuah tam lai ber leh siam chhuah tlem lai ber theuh chawhrual a ni. Power Supply kan hmu tha a. Tuirial Hydel Project ah Black Start Demonstration tih a nih avangin nimin tlai dar 3:00 atanga tlai dar 5:48 inkar chhung khan feeder thenkhatah load shedding siam a ni.

Source: Zonet Zing Daifim@7:30 AM