RAN NATNA HRI (ASF) LENG MEK CHUNG CHANGAH MAMIT DISTRICT BAWRHSAPIN VAWK LAK LUH KHAPNA THUPEK A CHHUAH.

#ZONEWS Mamit August 18, 2025 : Tunlaiin kan ramah leh thenawm state-ah ran hri (ASF) leng mekin ziaawm lam a pan theih loh avangin he hri laka Mamit District mipuite ranvulh an lo him zawk theih nan thupek chhuah leh tulin hriat a nih avangin Pu K. Laltlawmlova, MCS, District Magistrate, Mamit District hian Section 163(1), Bharatiya Nagarik Suraksha Sanhita (BNSS), 2023 in thuneihna a pek angin a hnuaia mi ang hian khapna thupek a chhuah e:-

1) Mamit District chhungah ramdang (foreign countries) leh State dang atangin vawk leh vawksa rep leh vawksa atanga siam lakluh khap tlat a ni.

2) ASF infected area/District danga ASF lenna atangin vawk, vawksa leh a rep atanga siam ei tur Mamit District chhunga lakluh khap tlat a ni.

3) Ran damio leh hrisello ei tur atana hralh leh zawrh khap tlat a ni.

4) Vawk thi reng reng Chinai thi/Bleaching Powder nen thuk taka phum tur a ni a, khamah leh ramhnuaiah paih mai mai tur a ni lo.

5) Vawk thi a awmin a neitute’n A.H & Vety Department, Mamit hriattir vat tur a ni.

He thupek bawhchhetute chu Section 223, Bharatiya Nyaya Sanhita (BNS), 2023 hmangin hrem theih an ni ang. Khapna thupek hian, tihdanglam emaw hnuhlet emaw a nih loh chuan, chhuah a nih Dt. 13.08.2025 atanga thla 2 (hnih) chhung a huam ang.