RASHTRIYA POSHAN MAAH (NATIONAL NUTRITION MONTH) 2025 PUALIN ANGANWADI WORKERS-TE TAN ‘NAUSEN LEH NAUPANG CHAW PEK DAN’ CHUNGCHANG INZIRTIRNA NEIH A NI

#ZONEWS Aizawl September 26, 2025: Rashtriya Poshan Maah (National Nutrition Month) 2025 hmanna kal zelah vawiin khan District Programme Officer, Women & Child Development leh Child Development Project Officer, Aizawl Urban ICDS Project buatsaihin Synod Conference Centre, Mission Vengah Anganwadi Workers (AWW)-te tan Nausen leh Naupang Chaw Pek Dan (Infant and Young Child Feeding Practices) chungchanga inzirtirna hun neih a ni.

He hunah hian Pi Lalrammawii Kawilam, Asst. Director, i/c District Programme Office, Women & Child Development chuan Rashtriya Poshan Maah (National Nutrition Month) hi rampumah a a vawi 8-na atana hman a nih mek thu leh thla thar October ni 16 thlengin kawng hrang hrangah nu leh nausen hriselna kawnga chaw tha ei pawimawhna leh naupang enkawlna kawnga thil pawimawh hrang hrang inzirtirna neia hun hman a nih tur thu a sawi.

Infant and Young Child Feeding (IYCF) chungchang inzirtirna hunah hian Pi Lalrammawii, Associate Professor, Govt. Zirtiri Residential Science College chuan nu leh nau pawmte’n nausen hnute pek dan dik an hriat a pawimawh thu leh nausen hriselna atan thianghlimna a pawimawhzia a sawi a. Tunlaia naupangte eitur kan pek tam tak chu an hriselna atana tha lo a nih thu a sawi a ni.

Thusawitu dang, Pi C. Lalnuntluangi, Occupational Therapist, chuan naupangte thanlenna kawnga harsatna hrang hrang awm thei chungchangah zirtirna pein nu leh pate’n fate phone an entir nasa lutuk chu naupang tan a that loh theih thu a sawi a. Hemi kawngah hian nu leh pate fimkhur a pawimawh thu a sawi bawk a ni.

Naupang Rilru Hriselna chungchang sawitu Dr. Lalnunpuii, Faculty, Dept. of Clinical Psychology, MZU chuan puitlingte ang bawkin naupangah pawh rilru lama harsatna tam tak a thlen theih thu a sawi a. Chutiang hrethiam thei tur chuan Anganwadi Workers leh nu leh pate pawh inchhiarzau a, inzir nasat a pawimawh thu a sawi bawk.

Rashtriya Poshan Maah (National Nutrition Month) hi India ram pumah kum 2018 atang khan kum tin, thla khat chhung – nu, naupaite leh naupangte’n eitur tha leh hrisel an ei a pawimawhzia inzirtirna hun atan hman thin a ni a. Kuminah hian a vawi 8-na atan September ni 17, 2025 khan hman tan niin, October ni 16, 2025 thleng a awh dawn a ni.

RASHTRIYA POSHAN MAAH (NATIONAL NUTRITION MONTH) 2025 PUALIN ANGANWADI WORKERS-TE TAN ‘NAUSEN LEH NAUPANG CHAW PEK DAN’ CHUNGCHANG INZIRTIRNA NEIH A NI

1629/2025-2026

Dated Aizawl, the 26th September, 2025: Rashtriya Poshan Maah (National Nutrition Month) 2025 hmanna kal zelah vawiin khan District Programme Officer, Women & Child Development leh Child Development Project Officer, Aizawl Urban ICDS Project buatsaihin Synod Conference Centre, Mission Vengah Anganwadi Workers (AWW)-te tan Nausen leh Naupang Chaw Pek Dan (Infant and Young Child Feeding Practices) chungchanga inzirtirna hun neih a ni.

He hunah hian Pi Lalrammawii Kawilam, Asst. Director, i/c District Programme Office, Women & Child Development chuan Rashtriya Poshan Maah (National Nutrition Month) hi rampumah a a vawi 8-na atana hman a nih mek thu leh thla thar October ni 16 thlengin kawng hrang hrangah nu leh nausen hriselna kawnga chaw tha ei pawimawhna leh naupang enkawlna kawnga thil pawimawh hrang hrang inzirtirna neia hun hman a nih tur thu a sawi.

Infant and Young Child Feeding (IYCF) chungchang inzirtirna hunah hian Pi Lalrammawii, Associate Professor, Govt. Zirtiri Residential Science College chuan nu leh nau pawmte’n nausen hnute pek dan dik an hriat a pawimawh thu leh nausen hriselna atan thianghlimna a pawimawhzia a sawi a. Tunlaia naupangte eitur kan pek tam tak chu an hriselna atana tha lo a nih thu a sawi a ni.

Thusawitu dang, Pi C. Lalnuntluangi, Occupational Therapist, chuan naupangte thanlenna kawnga harsatna hrang hrang awm thei chungchangah zirtirna pein nu leh pate’n fate phone an entir nasa lutuk chu naupang tan a that loh theih thu a sawi a. Hemi kawngah hian nu leh pate fimkhur a pawimawh thu a sawi bawk a ni.

Naupang Rilru Hriselna chungchang sawitu Dr. Lalnunpuii, Faculty, Dept. of Clinical Psychology, MZU chuan puitlingte ang bawkin naupangah pawh rilru lama harsatna tam tak a thlen theih thu a sawi a. Chutiang hrethiam thei tur chuan Anganwadi Workers leh nu leh pate pawh inchhiarzau a, inzir nasat a pawimawh thu a sawi bawk.

Rashtriya Poshan Maah (National Nutrition Month) hi India ram pumah kum 2018 atang khan kum tin, thla khat chhung – nu, naupaite leh naupangte’n eitur tha leh hrisel an ei a pawimawhzia inzirtirna hun atan hman thin a ni a. Kuminah hian a vawi 8-na atan September ni 17, 2025 khan hman tan niin, October ni 16, 2025 thleng a awh dawn a ni.