RD Minister Prof Lalnilawma’n Keifang Leitan Bazar Shed a hawng

#ZONEWS Saitual August 04, 2025: Vawiin khan MLA LADS fund hmanga sak, Keifang Leitan Bazar Shed chu Rural Development Minister leh Tawi bialtu MLA ni bawk Prof. Lalnilawma’n a hawng.

He hunah hian Minister Prof. Lalnilawma chuan thu sawiin, MLA fund leh khawtlang hruaitute tanghoina Bazar shed tha tak an sa thei chu lawmawm a tih thu a sawi a, a sak nana tha thawhtute leh welfare te inpekna chu chhuanawm a tih thu sawi.

Minister chuan phai atanga thlai lak luhte chu hlo tur an hmang em tih endik hmasak a ni ngai lo tih sawiin, Mizoram ngeia thar thlai te chu a hrisel zawk a ni, a ti a, loa thlai thar hrisel tak tak te mipui lei theiha pho chhuahna hmun tur Keifang Leitanin an nei tur chu a lawmpui thu a sawi.

Minister chuan Tawi biala khawtlang hruaitute thahnemngaihna chu fakawm a tih thu sawiin, bial entawntlak ni zel turin a fuih a, theih tawp chhuaha khawtlang mipuite tana hma la zel turin a sawm a ni. Prof Lalnilawma chuan Keifang Leitan Bazar Shed chu midang tana malsawmna thlentu a nih ngei a beisei thu sawiin, a tangkai thei ang bera hman a nih theih nan a duhsakna a hlan nghal a ni.

Vawiin Keifang Leitan Bazar shed hawnna inkhawm hi Pu H. Lalremsanga, Melveng Welfare chuan a kai hruai a, khuallian Prof Lalnilawma, Minister of State chuan thu sawiin, Pu Lalbiakthanga, Leitan VCP hnen atangin thusawi tawi ngaihthlak a ni bawk. Pu CVL Ramnghaka, Leitan VC member & Melveng welfare member chuan lawmthu sawinain hun a khar a ni.

Minister hi District Bawrhsap Dr. Lalngura Tlau, Pu V. Laldinsanga, Project Director, DRDO, Pu Lalzuala, SDO, PHE leh Pu David Lalchhuanawma, AE, DRDO ten an tawiawm a ni.