Saitualah District Consultative Committee DCC/DLRC /DLSC March leh June quarter tawp (ended) meeting neih a ni

#ZONEWS Saitual October 24, 2025: Vawiin khan Dr. Lalngura Tlau, Saitual DC hovin Saitual DC Conference Room-ah District Consultative Committee (DCC/DLRC/DLSC) March &June 2025 Quarter tawp meeting neih a ni a, he hunah hian Lalnghawrliana, Lead District Manager & member secretary, Pi Lalhmachhuani, DDM, NABARD, Pu J.Lalhmahruaia, BDO, Phullen, Pi Dorothy Muansangi, BDO, Ngopa leh line department hrang hrang aiawh te, Saitual District chhunga bank hrang hrang hotute bakah NGO aiawhte an tel a ni.

Chairman, Dr. Lalngura Tlau chuan kalkhawmte hnenah lawmthu sawiin Branch Manager-te chu fimkhur taka che chungin CD Ratio ti sang tura theih tawp chhuah turin a chah a, Cibil Score tha neite pawh lending lamah tan la thar lehzual turina chah bawk. Hetih rual hian mipuite pawh Credit Score tha nei tur leh defaulter ni lo turin a chah a, SHG thenkhat ten Non Performing Assets (NPA) an nei thin chu pawi a tih thu sawiin midang tan kawng an hnawh pin sak zel a ni, a ti a, loan reng reng chu rulh leh ngai tur a nih thu mipuiten hre thar leh turin a chah bawk. Line department te pawh hma hun nei tha kuthnathawktu (potential farmer) an neihte Bank lam nen inhriat pawhtawn tur leh theih twwpchhuah thar turin a chah bawk.

Vawiin ṭhutkhawmah hian Credit Deposit Ratio (CD Ratio) dinhmun te, Annual Credit Plan (Priority & Non Priority Sector, Agriculture Advances(ACP), MSME Advances, SHG – Bank linkage) chungchang te, Govt Sponsored Schemes chi hrang hrang,i.e NRLM, NULM, PMEGP, SUI etc. te, PMMY(Mudra) loan te, Financial Literacy Campaign leh Social Security Schemes (PMJJBY & PMSBY) bakah bank hrang hrangten Non-Performing Assets(NPA) an neih dante thlir ho a ni. March leh June Quarter ended ah hian bank-a deposit lut zawng zawng (rural & semi-urban) chu March quarterah ₹31141.19 lakh, June Quarter-ah ₹31219.03 lakhs, Loan Advances Amount : March- ₹ 17528.58 lakhs, June – ₹17714.43 lakhs niin chu chu Overall CD Ratio chu 56.74% a ni. Annual Credit Plan (Priority Sector) 2025-2026FY ah target chu ₹ 14611.69lakhs niin March Quarter-ah ₹5342.77 lakhs leh June quarter ah ₹1692.79 lakhs pekchhuah a ni a, chu chu 11.59% a ni. Non-Performing Assets (NPA)ah hian March quarter ah ₹272.81lakhs, June quarter-ah ₹375lakhs a awm bawk.

Vawiin meeting-ah hian Pi Lalhmachhuani, DDM, NABARD pawhin thu sawiin sawrkar laipui scheme hnuaia mipuite tana subsidized loan chi hrang hrang PMFME, ACABC, CGTMSE ,SCLCSS (Tribal) te a awm tarlangin chungte chu sawrkar department hrang hrang leh Bank-te nena thawhhona tha tak nei chunga mipuite tan hamthatna nasa zawk leh hmasawnna a thlen theih a beisei thu a sawi bawk.

He hunah hian Lalnghawrliana, LDM& Member Secretary pawhin thu sawiin mipui lam atanga harsatna awm thinte, Cibil Score tha lo leh loan rul thalote avanga Bank lamin harsatna an tawhte a sawi a, chutihrualin bankers te pawh taihmak chhuah lehzual turte, loan pek chhuak kawngah ngaituahna thar hmanga kawng dap hram hram turin a chah bawk a ni.

Attachment