Saitualah National Sports Day 2025 lawmna hun hmang

#ZONEWS Saitual August 29, 2025: Vawiin khan India ram Hockey khel thiam lar tak Major Dhyan Chand-a zahna lantir nan leh a piancham den chhenin India ram pumpuiah National Sports Day hman a ni a, Saitual District-ah pawh infiamna chi hrang hrang hmangin he ni hi zirlai naupangten an lawm.

National Sports Day 2025 pual hian Govt. Saitual Higher Secondary School leh Govt. Saitual College zirlaite chuan thu tiam (pledge) an chham rual a, he hun hi Pi Christina Lalnunfeli, District Sports & Youth Officer, Saitual chuan a kai hruai a ni. Zirlai naupangte chuan an rilru leh taksa tih hrisel mai bakah an chhungte leh thiante infiamna lama tel tura sawm turin an intiam a, Olympic-ina a dah pawimawh inzahtawnna leh inthianthatna chu infiamna apiangah chhawm nung zel turin an intiam bawk a ni.

Arm wrestling, inkawibah leh futsal-ah te Govt. Saitual College leh Govt. Saitual Higher Secondary School zirlaite chu an inel a. National Sports Day 2025 lawmna hun hi August ni 29 atanga August ni 31 thleng hman a ni ang.

Saitualah National Sports Day 2025 lawmna hun hmang

1886/2025-2026

Saitual, the 29th August, 2025: Vawiin khan India ram Hockey khel thiam lar tak Major Dhyan Chand-a zahna lantir nan leh a piancham den chhenin India ram pumpuiah National Sports Day hman a ni a, Saitual District-ah pawh infiamna chi hrang hrang hmangin he ni hi zirlai naupangten an lawm.

National Sports Day 2025 pual hian Govt. Saitual Higher Secondary School leh Govt. Saitual College zirlaite chuan thu tiam (pledge) an chham rual a, he hun hi Pi Christina Lalnunfeli, District Sports & Youth Officer, Saitual chuan a kai hruai a ni. Zirlai naupangte chuan an rilru leh taksa tih hrisel mai bakah an chhungte leh thiante infiamna lama tel tura sawm turin an intiam a, Olympic-ina a dah pawimawh inzahtawnna leh inthianthatna chu infiamna apiangah chhawm nung zel turin an intiam bawk a ni.

Arm wrestling, inkawibah leh futsal-ah te Govt. Saitual College leh Govt. Saitual Higher Secondary School zirlaite chu an inel a. National Sports Day 2025 lawmna hun hi August ni 29 atanga August ni 31 thleng hman a ni ang.