Saitualah SW&WCD Commissioner & Secretary-in District Social Welfare Office leh Working Women Hostel a hawng

#ZONEWS Saitualh September 19, 2025: Vawiin khan Pi Lalzarmawii, Commissioner & Secretary, Social Welfare & Women and Child Development Department chuan Saitual District-ah District Social Welfare Office, Staff Quarters leh Working Women Hostel (Sakhi Niwas) a hawng.

He hunah hian Khuallian Pi Lalzarmawii chuan thu a sawi a, Saitual District chuan Line department hotute leh Bawrhsap chak tak hmalakna hnuaia District Social Welfare Office leh Working Women Hostel hawn a ni chu lawmawm a tih thu a sawi a, a chhawr tur dik tak ten an chhawr ngei a beisei thu a sawi bawk.

Khuallian chuan Sakhi Niwas, Working Women Hostel chu Women and Child Development hnuaia hmeichhia khualkhuaa hnathawk emaw lehkhazira awm te emaw hna avanga training neia awm te him tak leh thlamuang taka chenna hmun an neih theihna tura buatsaih a ni, a ti. Sakhi Niwas-a awm nu te chuan an fate an awmpui thei tih a sawi a, hnathawka an chhuahsan hlana an fate lo awm na tur day-care (nau awmna) facility siam a ni tih a sawi bawk. Fa nei tawh te tan an fa, hmeichhia kum 18 an nih thleng an awmpui thei a, mipa an nih erawh chuan kum 8 chin hostel-ah hian an nu ten an awmpui thei a ni tih a tarlang.

Commissioner & Secretary chuan Sakhi Niwas inkaihhruaina danah hian hmeichhiate him taka an awm theih nate, medical care, legal aid leh counselling te chu an mamawh a zir zela pek tur a ni, a ti a, Sakhi Niwas chu a mamawh ten tangkai taka an hman theih nan duhsakna a hlan nghal a ni. Pi Lalzarmawii chuan Ministry of Tribal Affairs hnuaia Article 275(1) hmangin DSW office chu sak a ni, a ti a, thawktute indaih lo viau mahse tha thlah loa hma lak zel an tum thu a sawi a, malsawmna thlentu a nih ngei a beisei thu a sawi bawk a ni.

DSW Office leh staff quarter hi DC Office thlen hma Dinthar Veng, Saitualah sak a ni a, a sak hna hi September, 2023 khan tan a ni a, vawiin September ni 17, 2025 hian zawh fel niin hawn nghal a ni. A vaia sak nan hian nuai ₹ 111.12 sen a ni.

Vawiin inkhawm hi Dr. Lalngura Tlau, Deputy Commissioner, Saitualin kaihruaiin inlawmna thu a sawi a, hunserh hi Rev. Robert Vanlalliana, Pastor, ICI, Saitualin a hmang a. Pi Lalzarmawii, Commissioner & Secretary, SW&WCD chuan thu sawiin office leh hostel hi a hawng nghal a, Technical Report hi Pu Lalthankima, Asst. Engineer, SWD hnen atangin ngaihthlak a ni bawk. Pi Zoramthangi Chhangte, Director, WCD chuan lawmthu sawinain hun a khar a ni.

Vawiin inkhawmah hian Pi Zonunthari, Jt. Secy, SW&WCD, Pi Caroline Hmingthanzuali, Jt. Director, SW, Pi Flora Laltanpuii, DD (Women), WCD leh Pi Lalrammawii Kawilam, Asst Director (Mission Shakti, Samarthva) te bakah Saitual District-a sawrkar department hotute, khawtlang hruaitute, tlawmngai pawl aiawhte, WCD leh DCPO staff te an tel a ni.

Saitualah SW&WCD Commissioner & Secretary-in District Social Welfare Office leh Working Women Hostel a hawng

1510/2025-2026

Saitual, the 19th September, 2025: Vawiin khan Pi Lalzarmawii, Commissioner & Secretary, Social Welfare & Women and Child Development Department chuan Saitual District-ah District Social Welfare Office, Staff Quarters leh Working Women Hostel (Sakhi Niwas) a hawng.

He hunah hian Khuallian Pi Lalzarmawii chuan thu a sawi a, Saitual District chuan Line department hotute leh Bawrhsap chak tak hmalakna hnuaia District Social Welfare Office leh Working Women Hostel hawn a ni chu lawmawm a tih thu a sawi a, a chhawr tur dik tak ten an chhawr ngei a beisei thu a sawi bawk.

Khuallian chuan Sakhi Niwas, Working Women Hostel chu Women and Child Development hnuaia hmeichhia khualkhuaa hnathawk emaw lehkhazira awm te emaw hna avanga training neia awm te him tak leh thlamuang taka chenna hmun an neih theihna tura buatsaih a ni, a ti. Sakhi Niwas-a awm nu te chuan an fate an awmpui thei tih a sawi a, hnathawka an chhuahsan hlana an fate lo awm na tur day-care (nau awmna) facility siam a ni tih a sawi bawk. Fa nei tawh te tan an fa, hmeichhia kum 18 an nih thleng an awmpui thei a, mipa an nih erawh chuan kum 8 chin hostel-ah hian an nu ten an awmpui thei a ni tih a tarlang.

Commissioner & Secretary chuan Sakhi Niwas inkaihhruaina danah hian hmeichhiate him taka an awm theih nate, medical care, legal aid leh counselling te chu an mamawh a zir zela pek tur a ni, a ti a, Sakhi Niwas chu a mamawh ten tangkai taka an hman theih nan duhsakna a hlan nghal a ni. Pi Lalzarmawii chuan Ministry of Tribal Affairs hnuaia Article 275(1) hmangin DSW office chu sak a ni, a ti a, thawktute indaih lo viau mahse tha thlah loa hma lak zel an tum thu a sawi a, malsawmna thlentu a nih ngei a beisei thu a sawi bawk a ni.

DSW Office leh staff quarter hi DC Office thlen hma Dinthar Veng, Saitualah sak a ni a, a sak hna hi September, 2023 khan tan a ni a, vawiin September ni 17, 2025 hian zawh fel niin hawn nghal a ni. A vaia sak nan hian nuai ₹ 111.12 sen a ni.

Vawiin inkhawm hi Dr. Lalngura Tlau, Deputy Commissioner, Saitualin kaihruaiin inlawmna thu a sawi a, hunserh hi Rev. Robert Vanlalliana, Pastor, ICI, Saitualin a hmang a. Pi Lalzarmawii, Commissioner & Secretary, SW&WCD chuan thu sawiin office leh hostel hi a hawng nghal a, Technical Report hi Pu Lalthankima, Asst. Engineer, SWD hnen atangin ngaihthlak a ni bawk. Pi Zoramthangi Chhangte, Director, WCD chuan lawmthu sawinain hun a khar a ni.

Vawiin inkhawmah hian Pi Zonunthari, Jt. Secy, SW&WCD, Pi Caroline Hmingthanzuali, Jt. Director, SW, Pi Flora Laltanpuii, DD (Women), WCD leh Pi Lalrammawii Kawilam, Asst Director (Mission Shakti, Samarthva) te bakah Saitual District-a sawrkar department hotute, khawtlang hruaitute, tlawmngai pawl aiawhte, WCD leh DCPO staff te an tel a ni.