Sazaikawn leh Ṭhuampui inkara lirthei tlan dan tur chungchanga Lunglei SP aṭanga hriattirna

#ZONEWS Lunglei December 10, 2025: Lunglei-Kawlhawk-Buarpui kawng siam mekah Sazaikawn-Ṭhuampui inkar kawng chu M/S Inckah Infrastructure Technologies Private Limited te’n Full Depth Reclamation (FDR) hna an thawh dawn avangin, chak zawk leh tluang taka hna thawh a nih theih nan vawiin khan Lunglei District Superintendent of Police Pu J. Lalmuankima chuan The Motor Vehicles Act. 1988 section 115/117 leh Government of Mizoram Notification No.B.12012/10/2004-TRP Dt.01.06.2020 tlawh chhanin a hnuaia mi ang hian lirthei tlan theih hun tur ruahmanna siamin, hriattirna a chhuah.

A. Sazaikawn to Ṭhuampui kawng khar hun:

(1) 06:00 AM to 08:00 AM

(2) 09:00 AM to 12:00 Noon

(3) 01:00 PM to 04:00 PM

B. Sazaikawn to Ṭhuampui kawng hawn hun:

(1) 08:00 AM to 09:00 AM

(2) 12:00 Noon to 01:00 PM

(3) 04:00 PM to 05:30 AM

Hei hian ni 14.12.2025 dar 06:00 AM aṭanga ni 31.12.2025 dar 04:00 PM thleng a huam ang a. He thupek hian dan leh thupek keng kawhtu Police duty, Magistrate duty, Fire & Emergency Service, Medical duty, Disaster Response Force, Power & Electricity Department duty, Public Health Engineering Department duty, School-a thawkte leh a bika Superintendent of Police, Lungleiin phalna a pekte chu a huam lo vang.

Kawng khar hun chhunga emergency thil avanga kal tlang mamawhte chuan he’ng a hnuaia phone no. dahahte hian biak tur a ni ang.

(1) Sub-Divisional Police Officer, Lunglei – 9862256002

(2) Officer-In-Charge, Lunglei – 8974637760