Serchhipa bawlhhlawh thliar hran a nih tur chungchanga mipuite hriattirna

#ZONEWS July 21, 2025 Thawhtanni: Serchhip khawpui chhunga Bawlhhlawh Sawngbawlna (Solid Waste Management Centre) chu UD&PA Dept. leh Green Herd SP te hmalakna in ataka hman tan a lo ni dawn ta a; hemi avang hian mahni in atanga bawlhhlawh thliar hran te angai tawh dawn a, a khawn dan te leh a khawn man te tih danglam a ni dawn bawk a ni. New Serchhip North leh South VC area huamchhungah  pilot project angin August ni 4 (Monday) 2025 atanga kalpui a nih dawn avangin, Serchhip DC Pu Paul L Khuma chuan a hnuaía thuchhuah te hi New Serchhip area mipuiten lo zawm theuh turin a ngen in a hriattir a ni:

1. In tinin kan bawlhhlawhte Tawihthei leh Tawihtheilo in kan thliar hrang vek tawh tur a ni. Bawlhhlawh Tawih theih leh thei lo thliar dan tur kaihhruaina sticker in tinah sem vek a ni ang.
2. Bawihhlawh paihna/sanitation point hranpa a awm tawh dawn lo a, bawihhlawh reng reng mahni In emaw compound ah lak awlsam taka lo dah mai tur a ni ang. He hi a khawn tu ten an rawn khawn mai anga, bawlhhlawh hi thliar hran a ni nge ni lo an endik nghal zel bawk ang.
3. Tawihthei paih ni leh tawihtheilo paihni te a hranin siam a ni ang. 
4. Bawlhhlawh khawn man hi In tinin thla khatah cheng za (Rs. 100) an chawi ang.
5. Bawlhhlawh hi UD&PA leh Green Herd SP te tangkawp chauhin an khawn tawh anga, VC ten an khawn tawh lo ang. Bawlhhlawh te hi thliar hran a nih loh emaw a paih tur ni lova paih tum a nih chuan, a khawn tu ten an lak sak thei lo ang.
6. Dawr, school, office, hall leh institution hrang hrang te atanga bawlhhlawh khawn man tur thliar fel a ni anga, UD&PA atangin an mahni theuh hrilhhriat an ni ang. Anni pawh hian bawlhhlawh hi tawihthei leh tawihtheilo in felfai takin an thliar hrang ang.
7. Bawlhhlawh thliar hrang lo te chu Mizoram Solid Waste Management Bye-Laws 2018 Serchhip District a hman mekin a sawi angin an chungah dan anga action lak a ni ang.
8. Tawihthei bawlhhlawh te hi mahnia tihral theih chỉn chỉn chu, kan in bul leh kan huan ah te khur lalin, lei thaa chantir tura sawngbawi hi duhthusam a ni.
9. Kan In bul leh khawlai ah te bawlhhlawh hal (open burning) hi khap tlat a ni.

New Serchhip area a pilot project hi kalpui zawh a nih hun ah, Serchhip town area pumpui ah a chunga tarlang ah hian kalpui tura ruahman a ni a, mipuiten tun atangin bawlhhlawh thliarhran hi lo in zir lawk theuh a hriattir a ni.