Serchhipah dan kalha naupang chhawr luih a awm leh awm loh enfiah

#ZONEWS July 22, 2025: Serchhip District Task Force on Child and Adolescent Labour Rescue and Rehabilitation Campaign 2025 fehchhuakte chu tukin zing dar 10:30 khan an Chairman Pu Paul L.Khuma, Serchhip DC chuan Serchhip DC Office tualzawl atangin a vailiam a ni.

He Task Force-ah hian police te leh sawrkar department hrang hrang official te bakah tlawmngai pawl hruaitute an tel a. Vawiina fehchhuak zingah hian Serchhip Sub Headquarters YMA hruaitute, police te leh Serchhip District Child Protection Officer leh a staff te an tel a, hmun 4 ah inthenin Serchhip khawpui chhung hmun hrang hrang tlawhin dan kalha naupang chhawr luih – child labour a awm leh awm loh an enfiah.