Serchhipah National Voluntary Blood Donation Day hmang

#ZONEWS Serchhip, October1, 2025: Kumtin October 1-a hman thin, ‘National Voluntary Blood Donation Day’ chu Vawiin khan Serchhip-ah pawh SDO (Sadar) Pi Rebecca Laldinmawii Hrahsel hovin hman a ni a, Hmeichhia thisen pe tam te hnenah chawimawina hlan an ni.

Association for Voluntary Blood Donation (AVBD) Serchhip Branch leh Blood Bank Serchhip tangkawp ten Serchhip DIET Conference Hall-a he hun an buatsaih ah hian ‘Healthy Women, Strong Family’ tih chu thupui-ah hman niin khuallian SDO (Sadar) Pi Rebecca Laldinmawii Hrahsel chuan Inchhung khur felfai leh tha neihna tura hmeichhiate hrisel a tul zia te, midangte nun chhan nana hmeichhiate pawhin thisen pe thei tura an hriselna vawn that a ngaih bik thute, thisen pe theitu nih a hlut thu te sawiin, midangte nun chhan nana thisen pek chu Kristian rinna nen thil inhmeh tak nia a hriat thu a sawi a. Serchhip District atanga midangte tana thisen vawi 20 chuang pe thei hmeichhia chawimawina dawng thei mi pathumte chu a chhuan thu leh he hun hmang tura kalkhawm zawng zawngte leh a bik takin hmeichhia naupang zawk te chu midang tana thisen pek kawnga theihtawp chhuah zel turin a sawm bawk a ni.

Serchhip-a ‘National Voluntary Blood Donation Day’ hman hi DIET Serchhip-a Lecturer Pu R. Lalrinawma chuan kaihruaiin AVBD Serchhip Branch-a President Zonunsanga Kawlni chuan inlawmna thu a sawi a, AVBD Serchhip Branch-a Secretary T. Biakchamliana chuan Report pein Serchhip Blood Bank-a Lab. Technician Lalhruaitluanga chuan thisen pe turte tana hriat tur pawimawh hrang hrangte a sawi a, Serchhip DIET Principal Jane C. Vanlalmuanpuii pawhin thisen pek kawnga hriat tur pawimawh hrang hrangte a sawi bawk a ni.

Vawiin-a he hun hman ah hian hmeichhia te zinga midangte tana thisen pe tam te hnenah chawimawina thuziak hlan niin chawimawina dawngtute hi thisen Unit 25 pe tawh VL.Rempari, Serchhip Vengchung bakah Unit 20 pe tawh H. Malsawmdawngliani, Serchhip Chhim Veng leh F. Lalremruati, Serchhip Darnam Veng te an ni a. He huna tarlan a nih danin District Hospital Serchhip Blood Bank-ah hian sawrkar kum kal mek, April 2025 atanga September thla tawp thleng khan AVBD leh Blood Bank huaihawtin Blood Donation Camp vawi 15 neih a ni tawh a, Kohhran thalai ten vawi 9 thisen pe tawhin Zirna In ten vawi thum bakah Sawrkar Department/Office leh Sipai ten um thum an pe tawh bawk a, heng ah hian thisen Unit 290 lak a ni.

Serchhipah National Voluntary Blood Donation Day hmang

1686/2025-2026

Dated Serchhip, the 1st October, 2025: Kumtin October 1-a hman thin, ‘National Voluntary Blood Donation Day’ chu Vawiin khan Serchhip-ah pawh SDO (Sadar) Pi Rebecca Laldinmawii Hrahsel hovin hman a ni a, Hmeichhia thisen pe tam te hnenah chawimawina hlan an ni.

Association for Voluntary Blood Donation (AVBD) Serchhip Branch leh Blood Bank Serchhip tangkawp ten Serchhip DIET Conference Hall-a he hun an buatsaih ah hian ‘Healthy Women, Strong Family’ tih chu thupui-ah hman niin khuallian SDO (Sadar) Pi Rebecca Laldinmawii Hrahsel chuan Inchhung khur felfai leh tha neihna tura hmeichhiate hrisel a tul zia te, midangte nun chhan nana hmeichhiate pawhin thisen pe thei tura an hriselna vawn that a ngaih bik thute, thisen pe theitu nih a hlut thu te sawiin, midangte nun chhan nana thisen pek chu Kristian rinna nen thil inhmeh tak nia a hriat thu a sawi a. Serchhip District atanga midangte tana thisen vawi 20 chuang pe thei hmeichhia chawimawina dawng thei mi pathumte chu a chhuan thu leh he hun hmang tura kalkhawm zawng zawngte leh a bik takin hmeichhia naupang zawk te chu midang tana thisen pek kawnga theihtawp chhuah zel turin a sawm bawk a ni.

Serchhip-a ‘National Voluntary Blood Donation Day’ hman hi DIET Serchhip-a Lecturer Pu R. Lalrinawma chuan kaihruaiin AVBD Serchhip Branch-a President Zonunsanga Kawlni chuan inlawmna thu a sawi a, AVBD Serchhip Branch-a Secretary T. Biakchamliana chuan Report pein Serchhip Blood Bank-a Lab. Technician Lalhruaitluanga chuan thisen pe turte tana hriat tur pawimawh hrang hrangte a sawi a, Serchhip DIET Principal Jane C. Vanlalmuanpuii pawhin thisen pek kawnga hriat tur pawimawh hrang hrangte a sawi bawk a ni.

Vawiin-a he hun hman ah hian hmeichhia te zinga midangte tana thisen pe tam te hnenah chawimawina thuziak hlan niin chawimawina dawngtute hi thisen Unit 25 pe tawh VL.Rempari, Serchhip Vengchung bakah Unit 20 pe tawh H. Malsawmdawngliani, Serchhip Chhim Veng leh F. Lalremruati, Serchhip Darnam Veng te an ni a. He huna tarlan a nih danin District Hospital Serchhip Blood Bank-ah hian sawrkar kum kal mek, April 2025 atanga September thla tawp thleng khan AVBD leh Blood Bank huaihawtin Blood Donation Camp vawi 15 neih a ni tawh a, Kohhran thalai ten vawi 9 thisen pe tawhin Zirna In ten vawi thum bakah Sawrkar Department/Office leh Sipai ten um thum an pe tawh bawk a, heng ah hian thisen Unit 290 lak a ni.