Speed Limiting Device (SLD) vuah chungchanga District Transport Office, Siaha atanga mipuite hriattirna

#ZONEWS Siaha August 19, 2025:  Speed Limiting Device (SLD) vuah vek tura hriattirna.

Mizoram Sawrkara Transport Department Secretary thuchhuak bawhzuinain leh Siaha District mipuite an him tlan zawkna tur ngaihtuahin District Transport Office, Siaha chuan a hnuai tarlan ang hian lirthei neitute tan Speed Limiting Devices (SLD) vuah vek tura hriattirna a chhuah.

Heng a hnuaia lirthei tarlanahte hian Speed Limiting Devices (SLD) an vuah vek tur a ni.

1) Bungraw phur lirthei zawng zawng
2) School leh Institution bus, zirlaite bakah zirtirtute phur kual thin lirthei
3) Special vehicles (Tankers/ dumpers)

Heng SLD te hi Automative Industry Standards (AIS) in a tarlan standardte zulzuia siam tur a ni a, 80km/hr a vuah lawk tur niin lirthei khalhtuten an duhdana an tihdanglam theihlohna turin vuah lawk tuk tur a ni ang. Siaha District-ah SLD vuah thei agency an la awm loh avangin lirthei neitute chuan District dangah emaw hmun dangah mahnia in ngaihven mai tur a ni.

Vawiin Ni atanga chhiara ni 90 chhungin he SLD hi vuah theuh tur a ni. Hun tiam chhunga SLD vuahlo te chu an chungah dan anga hma lak a ni ang.

1) Fitness Certificate cancelled sak emaw
2) Registration certificate suspend emaw
3) Pawisa fai chawitir emaw
4) School bus te tan zirna lama an hotute chungah dan ang taka hmala tura report an ni ang.