UD&PA Department leh PHE Department tangkawpin Aizawl-ah Swachhata Diwas 2025 lawmna leh Swachhata Hi Seva Campaign 2025 kharna hun hmang

#ZONEWS Aizaw October 7, 2025: Swachh Bharat Mission (Urban), UD&PA Department leh Swachh Bharat Mission (Grameen), PHE Department chuan India hnampa Mahatma Gandhi pianchamphaphak pualin Faina Ni- Swachhata Diwas 2025 lawmna leh kar thum awh Swachhata Hi Seva Campaign 2025 kharna hun Lianchhiari Run, I&PR Department ah October ni 2, 2025 khan an hmang. PHE Minster Prof. Lalnilawma chuan khuallian niin he hun hi a hmanpui a, Aizawl West-I bialtu MLA Pu TBC Lalvenchhunga pawhin khual zahawm niin he hun hi a hmanpui bawk a, UD&PA Secretary Pu Lalmalsawma Pachuau chu Chairman niin, he programme hi a kaihruai a ni.

He hun hman naah hian UD&PA leh PHE Department atangin Swachhata Hi Seva 2025 hman dan tlangpui te thlir ho a ni a, khawpui (urban towns) lama hman dan hi UD&PA Director, Pu Jacob Lalawmpuia chuan sawiin, thingtlang (rural) lama hman dan hi Er. H. Lalbiakhlua, Assistant Engineer, PHED in a tarlang bawk a ni. He hunah hian Faina leh Thianghlimna kawnga hma la tha zual pahnih – Zemabawk Local Council Sanitation Committee leh Pentecostal Youth Department, UPC, Northeast India (NEI) te chu chawimawina hlan an ni a, he chawimawina hi UD&PA Department buatsaih niin, Certificate leh Rs. 20,000/- a keng tel a ni.

Aizawl West-I bialtu MLA Pu TBC Lalvenchhunga chuan Swachhata Hi Seva 2025 pualin a bialchhunga Local Council leh Village Council te Faina kawnga inelna, MLA fund hmangin a buatsaih a, October ni 2 khan lawmman sem niin, lawmman lak dan chu hetiang hi a ni:-

1. Pakhatna – Zotlang Local Council
2. Pahnihna – Chawlhhmun Local Council
3. Pathumna- Sairang Village Council