ZOHANDCO-in hmunphiah leina MAMB hnenah cheng 3,36,49,972/- a hlan let

#ZONEWS Aizawl September 1, 2025 : Vawiin khan Secretariat Conference Hall No. 2, Mizoram Secretariat, MINECO-ah Mizoram Agricultural Marketing Board (MAMB) meeting neih a ni a, hetah hian ZOHANDCO Managing Director Pu LP Lalchangkima chuan, MAMB hnenah hmunphiah leina tur MAMB atanga an dawn cheng 3,36,49,972/- (vaibelchhe thum maktaduai thum nuai ruk sing li sang kua za kua sawm sarih pahnih) chu a bo a bang awm lovin MAMB kutah an chhung lut leh vek a ni.

2025 chhung hian hmarcha ro rate sorkarin a bituk aia to vekin kuthnathawktute’n an hralh zo thei a. Hmunphiah bikah MAMB-in Grade A leh B-a hralh tura ruahmanna a lo siam tawh chu hmunphiah chingtute’n Grade-a thliar an harsat avangin MAMB chuan Grade sawi lovin rate KG-ah cheng 80-a leisak vek a lo tiam tawh a. Hemi buaipui tur hian ZOHANDCO te kutah pawisa hlan a ni a, ZOHANDCO chuan khaw hrang hranga hmunphiah hralh bang awm zawng zawng a lei zo vek a ni. Chung hmunphiah a lei khawmsa a hralh chhuah lehna sum a hmuh let leh atangin hmunphiah leina tur atana pawisa a lo dawn tawh zawng zawng chu ZOHANDCO chuan MAMB hnenah a hlan let leh a ni.

Hmunphiah hi kum thar 2026 February ni 1 atangin MAMB chuan grading awm lovin a ro tha kg-ah cheng 80-in Secondary Collection Centre-ah a lei dawn a ni.

Tin, MAMB meeting chuan Buyers/Sellers Meet leh Private Sector Round Table Conference neih hun tur atan kumin December ni 5 leh ni 6 chu a pawm a. Season thara inbuatsaihna chi khat atan MAMB chuan hlawk taka hman a tum a ni.

MAMB meeting hi Chairman Pu PC Vanlalruata, Minister, Agriculture & Farmers’ Welfare Department chuan a kaihruai a; Co-Chairman Dr KC Malsawmzauva, Adviser to CM pawh he meeting-ah hian a tel a ni.

ZOHANDCO-in hmunphiah leina MAMB hnenah cheng 3,36,49,972/- a hlan let

1933/2025-2026

Aizawl the 1st September, 2025 : Vawiin khan Secretariat Conference Hall No. 2, Mizoram Secretariat, MINECO-ah Mizoram Agricultural Marketing Board (MAMB) meeting neih a ni a, hetah hian ZOHANDCO Managing Director Pu LP Lalchangkima chuan, MAMB hnenah hmunphiah leina tur MAMB atanga an dawn cheng 3,36,49,972/- (vaibelchhe thum maktaduai thum nuai ruk sing li sang kua za kua sawm sarih pahnih) chu a bo a bang awm lovin MAMB kutah an chhung lut leh vek a ni.

2025 chhung hian hmarcha ro rate sorkarin a bituk aia to vekin kuthnathawktute’n an hralh zo thei a. Hmunphiah bikah MAMB-in Grade A leh B-a hralh tura ruahmanna a lo siam tawh chu hmunphiah chingtute’n Grade-a thliar an harsat avangin MAMB chuan Grade sawi lovin rate KG-ah cheng 80-a leisak vek a lo tiam tawh a. Hemi buaipui tur hian ZOHANDCO te kutah pawisa hlan a ni a, ZOHANDCO chuan khaw hrang hranga hmunphiah hralh bang awm zawng zawng a lei zo vek a ni. Chung hmunphiah a lei khawmsa a hralh chhuah lehna sum a hmuh let leh atangin hmunphiah leina tur atana pawisa a lo dawn tawh zawng zawng chu ZOHANDCO chuan MAMB hnenah a hlan let leh a ni.

Hmunphiah hi kum thar 2026 February ni 1 atangin MAMB chuan grading awm lovin a ro tha kg-ah cheng 80-in Secondary Collection Centre-ah a lei dawn a ni.

Tin, MAMB meeting chuan Buyers/Sellers Meet leh Private Sector Round Table Conference neih hun tur atan kumin December ni 5 leh ni 6 chu a pawm a. Season thara inbuatsaihna chi khat atan MAMB chuan hlawk taka hman a tum a ni.

MAMB meeting hi Chairman Pu PC Vanlalruata, Minister, Agriculture & Farmers’ Welfare Department chuan a kaihruai a; Co-Chairman Dr KC Malsawmzauva, Adviser to CM pawh he meeting-ah hian a tel a ni.