#ZONEWS: Kolasib District chuan an thei tharchhuah, Dragon Fruit hralh chhuah chungchangah harsatna an tawk mek.

#ZONEWS July 10, 2025: Kolasib District chu Mizoram sorkar in One village One Production a kalpui mekah Dragon fruit chinna District atan kalpui mek a nih laiin an thei tharchhuah chungchangah harsatna an tawk mek.

Mizoram Dragon Fruit Association (MIDFA), Kolasib District ten an dinhmun thlirin, a hralhna chungchanga harsatna an tawh loh nan hma lak dan tur nimin khan an sawiho.

He meeting, DHO Conference hall, Kolasib a neih hi MiDFA Kolasib District President Pu R. Lalhmingthanga kaihruaii, dragon fruit chingtuten kum hmasa lam aiin tharchuak tam zawk tura an in beisei laiin, thenkhat chu an Dragon fruit in natna a kai nasat avangin kum hmasa lam an phak dawn lo niin an sawi a, he an harsatna tawh chungchangah nasa zawka hma lakpui turin thuneitu te an beisei tih an sawi.

Hei bakah hian Dragon fruit tharchhuah te hmundang atanga leisak tu tur an neih loh laiin, Tualchhunga dragon fruit leisak thin tu KAMCO Society ten an product hralhna kawngah sorkar lakah harsatna an tawh avangin, KAMCO Society ten an product hralhna ah harsatna an tawh zel loh nan mizoram sorkarin ruahmanna fel siam thuai se an duh thu an sawi bawk.

He meeting ah hian Kolasib District a dragon fruit farmer te hmasawnna tur hma lak dan tur kawng hrang hrang sawiin, sorkar nen thawh ho dan ngaihtuah nise an ti a ni.

#zonews #chanchinthar #tualchhung #kolasib