#ZONEWS: Mizoram Governor in a Discretionary Fund atangin Serchhip District-a Home pangate tan tanpuina sumfai a pe chhuak.

#ZONEWS July 10, 2025: Mizoram Governor in a Discretionary Fund atangin Serchhip District-a Home pangate tan tanpuina sumfai a pe chhuak a. Serchhip DC Pu Paul L Khuma leh SDO (Sadar) Pi Rebecca Laldinmawii Hrahsel te chuan Governor aiawhin vawiin khan an sem chhuak a ni.

Pu Paul L Khuma chuan Adult Rehabilitation Centre, Chhiahtlang; Beiseina In (Old Age Home), New Serchhip leh Zoar Urban Deprived Home, New Serchhip te a hmunah a tlawh a. SDO (Sadar) Pi Rebecca Laldinmawii Hrahsel chuan Unity Orphanage Home, Hmar Veng leh Shalom Special School, New Serchhip te a tlawh bawk a. Pawisafai ₹25,250 theuh heng hmun pangaah te hian Governor aiawhin an hlan bakah DC Office aiawhin thilpek an pe bawk a ni.

Serchhip Bawrhsap hi SDC Dr Marilyn Lalruatkimi’n a tawiawm a ni.

#zonews #chanchinthar #tualchhung #sawrkar