#ZONEWS: HACHHEK MLA IN GOVERNOR A KAWM

#ZONEWS July 10, 2025: Vawiin khan Hachhek MLA Pu Robert Romawia Royte chuan Raj Bhavan ah Gen. VP Singh Mizoram Governor chu kawmin Tuidam leh Darlak inkar kawng chhe lutuk chungchang te, CSR projects chungchangte, Aizawl FC chungchang te leh Mizoram hmasawnna tur projects te an sawi dun.

Hachhek Bialtu MLA Pu Robert Romawia Royte chuan a bial chhunga Darlak leh Tuidam inkar kawng chhe lutuk chungchang chu Mizoram PWD hotute leh MORTH hotute bakah Maintenance Contractor te ngei pawh a sawipuiin DO Letter tepawh a ziah tawh thu leh chuti chunga ngaihthah ala ni chu amah leh khawthlang mipuiin an hrethiam tawhlo tih a hrilh a. Mizoram leh Tripura inkalpawhna awmchhun NH44A chungchang vawi tam tak thuneitute hnena thlen a ni chunga ngaihsak lova a awm rei lutuk chu hriatthiam harsa a tih thu Governor hi a hrilh a. Gen VP Singh Governor chuan hma alo lak nghal tur thu Hachhek MLA hi a lo hrilh a ni.

Aizawl FC Neitu & President nibawk Pu Roberta chuan Aizawl FC in harsatna a tawh hrang hrangte Governor chu a hrilh a.Governor chuan Aizawl FC hmasawnna turin theihtawp chhuaha tanpui a tum thu Aizawl FC President hi alo hrilh a ni.

An titi dunnaah hian CSR fund tam zawk Mizoram hmasawnnana hmuh dan tur leh Autonomous District Council area te leh Mamit Aspirational district tana ruahmanna siam dan turte an sawi dun bawk.

#zonews #tualchhung #hachhek #rrr #governor