#ZONEWS: Arsenal chuan Danish International, Christian Norgaard an lakluh fel thu puangin, Arsenal.com lamah an pho lang ta.

#ZONEWS July 10, 2025: Arsenal chuan Danish international Christian Norgaard chu Brentford atangin an la lut fel ta. Christiana hian Arsenal-ah Jersey number 16 a ha dawn a ni.

He Danish tlangval hian football hmanga a eizawnna chu an ram club atangin a tan a, kum 17 mi lek a nihin a khelhna club Lyngby tan a match hmasa ber a khel a, Academy atanga kaisang chho a ni. Kum 18 a nihin Germany Club Hamburg-ah a kal zawk a, 2013 khan an ramah bawk kir leh in Superliga Club Bronby a zawm leh a ni. Bronby-a kum 5 a awm chhung hian player tangkai leh rinrawl a ni hman a. Kum 2017 khan player of the year niin, a team ten kum 2017/18-a Danish Cup an chawi theihna turin a pui a ni.

Christiana chu Italy lamah kum 2018 khan a kal a,  Fiorentina-ah khelin,  Fiorentina atang hian kum 2019 May thla khan English Premiere League Club Brentford-ah a lut a. Brentford-ah hian an player tangkai ber te zing a mi niin, kum 74 hnua a vawi khat nan Brentford chu English-a football inelna sang ber, Premiere League a kai pui a. Kum 2023/24 atang khan Brentford Captain niin, season liam ta khan, Defensive midfielder ni chungin goal ruk(6) ngawt a thun thei a ni.

Youth Level lamah ram tan a khel fo thin a. Kum 2020 khan an ram senior team tan inlanin, hemi tum hian England nen 0-0 in an inhnehtawk a ni.

Christian-a hian Jersey number 16 a ha dawn a. A team-puite hi pre-season inbuatsaihnaah a zawm nghal dawn bawk a ni.

#zonews #infiamna #rampawn