MFA chuan Reliance Foundation Young Champs te nena tangkawpin School, Vengchhung leh Academy ah te U6, U8 leh U10 tan Futsal League buatsaih pui turin a sawm.

#ZONEWS July 17, 2025: Mizoram Football Association chuan naupang ten football lama bultanna tha an neih theih nan, Reliance Foundation Young Champs te nen a tangkawpin School, Vengchhung leh Academy ah te U6, U8 leh U10 tan Futsal League buatsaihna hun tha a siam dawn a, a bul tan nan Aizawl khawpui chhungah he Project hi kalpui a ni ang.

MFA-RFYC hian equipment mamawh leh tanpuina kawng hrang hrangin a buatsaih duh te hi a pui dawn bawk a ni. He League buatsaih tur hian MFA chuan School, Sporting Club, Branch YMA, Football Academy te a sawm a, dilna chu Google Form hmangin July ni 27, 2025 hma a thehluh tur a ni.

MFA- RFYC te hi Aizawl District a Naupang League buatsaihtu te an ni a, tunah hian Season 4 kalpui turin hmalakna a kal mek a ni.

-Issued by Information, Publicity & Documentation Committee, Mizoram Football Association-