Zofate tan Nitin thuthar rintlak
#ZONEWS July 21, 2025: Vawiin tlai dar 2:30PM khan Pu C.Hranghluna (L) Memorial Inter Branch Football Tournament Final match chu CYLA Playground Lawngtlai ah khelh zawh a ni ta a. Lawngtlai Vengpui YLA Branch ten 2-1 Chandmary Branch YLA te chu hnehin Champion an ni. Champion Team hian Cheng Nuai 1, Trophy leh Certificate an…
#ZONEWS July 19, 2025: Nimin atanga khelh tan, Badminton Asia Junior Championship 2025, Solo, Indonesia-a khelh mekah. Mizoram atangin H. Lalthazuala (Men’s singles) leh C. Lalramsanga (Mixed doubles) te chu India team-ah hian an tel ve a ni. Thazuala leh Ramsanga te hlawhtlinna duhawm tak chang ngei turin duhsakna sang ber kan hlan e.
I-League 2024-2025 khelh zawh atanga thla thum hnuah Inter Kashi chu Champion-ah puan a ni.
#ZONEWS July 18, 2025: April 6, 2025-ah I-League 2024-2025 khelh zawh a ni a, Inter Kashi leh Churchill Brothers te champion-ah an in ngai ve ve a. Buai a in tan chho chu a ni deuh ber mai. In khing an awm reng a. AIFF ten champion-a an puan avangin,Churchill Brothers ten champion an lo lawm fel dim diam tawh.
Hun a kal zel a, court of Arbitration for Sports (CAS) lama inkhinna pawh a kal zel.
Vawiin July 18, 2025 Zirtawpni hian Court of Arbitration for Sports (CAS) chuan thutlukna a siam fel ta a. AIFF buatsaih I-League 2024-25-ah champion chu Inter Kashi FC an ni ta. AIFF lam pawhin Inter Kashi an lawmpuina leh CAS thutlukna hi I-League.org lamah leh social media hrang hrangah an chhuah darh nghal a ni.
#ZONEWS July 18, 2025: Sports & Youth Services (S&YS) Department chuan vawiin khan Directorate of Sports & Youth Services Conference Hall-ah Sports Discipline 34 aiawhte nen Vision Olympics 2036 chungchanga inrawnkhawmna hun an nei.
#ZONEWS July 17, 2025: Mizoram Football Association chuan vawiin khan Referee Seminar cum Refresher Course a buatsaih a, Mizo Football Referee ten mithiamte hnen atangin inkhel thunun dan leh a kaihhnawih pawimawh hrang hrang an zir thar.
#ZONEWS July 17, 2025: Mizoram Football Association chuan Non Residential Elite Football Academy din a tum a, Academy-a lut duh turte tan July ni 26, 2025 (Inrinni) hian Lammual-ah Open Trial buatsaih a ni dawn.
#ZONEWS July 17, 2025: Mizoram khawthlang lamin an ngaihhlut em em RRR Cup for Kawrthah Zone Football Championship 2025 khel turin an huam chhunga khaw hrang hrang leh veng hrang hrangte an inpuahchah nasa tawh hle.
Inkhelhna hmun tur Kawrthah Football Ground pawh zan lama inkhelh ngei tumin Lighting System enchhin a ni a. Lighting System hi Bialtu MLA Pu RRRa’n a ruahman sak a ni a. Hachhek bial thalaite Bialtu MLA Pu RRR chungah an lawm hle.
#ZONEWS July 17, 2025: Mizoram Football Association chuan naupang ten football lama bultanna tha an neih theih nan, Reliance Foundation Young Champs te nen a tangkawpin School, Vengchhung leh Academy ah te U6, U8 leh U10 tan Futsal League buatsaihna hun tha a siam dawn a, a bul tan nan Aizawl khawpui chhungah he Project hi kalpui a ni ang.
#ZONEWS July 15, 2025: Kumin kumtawpa Red Bull in Aizawl-a mountain bike intlansiak (Urban Downhill race) an buatsaih tur chungchang ngaihtuahin vawiin khan Pu Lalnghinglova Hmar, Minister of State, Sports & Youth Services leh Tourism Department hovin sawrkar department aiawh leh khawtlang hruaitute an thukhawm.
#ZONEWS July 14, 2025: Tun nipui transfer bazar chu… Kepa Arrizabalaga – Kan hotuten an bia a, a rang a rangin a rawn insawn nghâl a. David Raya el a cho at. Martin Zubimendi – Liverpool, Bayern Munich leh Real Madrid te sawmna hnarin min rawn zawm a. ‘Arsenal lo chu’ a ti ve tlat!…
