MIZORAM UD&PA MINISTER-IN SAWRKAR LAIPUI A DAWR

#ZONEWS July 18, 2025: Vawiin khan Pu K. Sapdanga, Minister, UD&PA Department chuan Pu Manohar Lal, Cabinet Minister, Ministry of Housing and Urban Affairs chu Delhi-a ama chenna inah a kawm a, Mizoram khawpuite tih hmasawnna tur hrang hrang a sawipui.

UD&PA Minister hian Mizoram khawpui ten hma an sawn theih dan tur hrang hrang Union Minster hi a sawipui a. Heng zingah hian khawpui chhungah khuarel chhiatna laka invenna tur tui luankawr tha tak neih a tul dan te, bawlhhlawh sawngbawl dan kawnga Mizoram hmasawn theih dan tur te leh hemi kawnga central sawrkar puihna Mizoramin a mamawh dan chu ngaihpawimawh zual a ni.

Pu K. Sapdanga hi Pu Vuanlunmang Vualnam, IAS, Secretary, Department of Expenditure, Ministry of Finance nen inkawmna hun an nei zui a. Mizoram sawrkar, a bik takin UD&PA Department-in, hna chak zawka a thawh theihna tura central lam atanga sum hmuh la tang awm dan te a sawipui bawk a. Secretary, DoE hian a lo bawhzui tur thu Minister hi a hrilh bawk.

Vawiin hian UD&PA Minister hi Pu Lalmalsawma Pachuau, Secretary, UD&PA Department in a tawiawm a ni.