Parliament fur thutkhawm neih mekah Operation Sindoor chungchang chu darkar 16 chhung Lok Sabha-ah sawiho a ni dawn.

#ZONEWS July 22, 2025: August ni 21 thleng-a neih tur, Parliament fur thutkhawm chu nimin atang khan neih tan a ni a, parliament in hnih te chu eptu pawlte an bengchhen avang leh rorel hleitheilova an awm avangin thutkhawm te tihtawp lailawk a ni a, thutkhawm-ah hian Member of Parliament thar panga lakluh niin, Parliamentary Affairs Minister Kiren Rijiju leh Defence Minister Rajnath Singh techuan sawrkar-in Parliament-ah engkim sawiho a inpeih reng thu an sawi bawk a ni.

Vawiin Rajya Sabha thutkhawm ah hian, zawhna leh chhana hun hman niin Lading Bill 2025 chu sawiho a nih hnuah pawm a ni a, Lok Sabha MP 145 ten Lok Sabha Speaker Om Birla hnenah Justice Yashwant Varma paihthla tura ngenna lehkha an thehlut a, Parliament chuan Justice Yashwant Varma-a chenna ina pawisa fai hmuhchhuah a nih chungchang chu a chhui chiang dawn bawk a ni.