HOSPITAL HRANG HRANG DINHMUN (23.07.2025 – NILAINI)

#ZONEWS July 23, 2025:
CIVIL HOSPITAL AIZAWL : Nimin tlai dar 3:00 atanga tukin dar 7:00 thlengin Civil Hospital Aizawl Casualty ah Emergency Case 102 an nei a. Mitthi an nei lova. Emergency case tam ber pumna leh luak a ni. Emergency case zingah hian Admit zat 4 an ni a. Hospital dang atanga referred 7 awmin, admit ngai si, khum awm loh vanga hospital danga thawn 5 an awm. Road Traffic Accident vanga hliam nei 4 zingah ruh tliak an awm lova; ui seh 3 an awm. Emergency & Labour Room ah nimin zing dar 7:00 atanga tukin dar 7:00 inkar chhungin nau piang 7 an awm a; hmeichhia 3 leh mipa 4 niin, nei tur (vei mek) 2 an awm bawk.

SYNOD HOSPITAL : Synod Hospital Durtlang Casualty ah nimin tlai atanga tukin dar 7:00 thlengin emergency case 27 an nei a, 13 admit an ni a; mitthi an nei lova. Emergency case tam ber khawsik a ni. General Ward ah khum ruak tlem an nei a. New Cabin leh Pi Puii In ah te Cabin full-in; khum 6 awmna ICU a full bawk. Lawmna Ward ah nau piang 6 an awm a; hmeichhia 3 leh mipa 3 niin, vawiin lama nei tura beisei an awm rih lo.

• Vawiin hian Synod Hospital OPD ah Dr. Vanlaldini (Pediatrician) a thu lo ang.

ZMC & HOSPITAL : ZMC Hospital, Falkawn ah nimin tlai dar 3:00 atanga tukin dar 7:00 inkar chhungin emergency case 33 an nei a. Mitthi 2 an nei a. Nau piang 6 an nei bawk a. Emergency case tam ber khawsik leh pumna a ni.

PRIVATE HOSPITALS : Aizawl khawpui chhunga private hospitals kan biak thinte zingah – LRM Hospital ah mitthi 1 an nei a; khum an full a. Greenwood Hospital ah mitthi 1 an nei a; HDU leh NICU full-in Cabin, General leh ICU ah khum ruak an nei a. Aizawl Hospital ah nau piang 2 an nei a; Cabin leh ICU full-in General ah khum ruak an nei a. Adventist Hospital ah nau piang 2 an nei a; Cabin full-in General leh ICU khum ruak an nei a. Ebenezer Medical Center ah nau piang 1 an nei a; ICU leh ICCU an khum ruak 1 ve ve neiin a bak an full a. Alpha Hospital ah nau piang 1 an nei a; Cabin full-in General leh ICU khum ruak an nei a. Nazareth Hospital Ramhlun North ah khum an full a. Trinity Hospital ah Cabin leh General full-in ICU khum ruak an nei a. Agape Multispeciality Hospital ah Cabin full-in General leh ICU khum ruak an nei a. Care Hospital ah Cabin full-in General khum ruak an nei a. Kan biak thin dang – BN Hospital leh City Hospital ah te Cabin leh General khum ruak neiin, City Hospital ah hian ICU pawh khum ruak an nei.

KHAIKHAWMNA : Heti hian, nimin atanga tukin dar 7:00 thlenga Aizawl khawpui chhung damdawiin hrang hrang leh ZMC Hospital Falkawn a mitthi kan hriat theih zat 4 a ni a; Nau piang kan hriat theih zat 25 a ni. Hospital lian deuh deuha emergency case tam ber pumna, khawsik leh luak a ni.

Source: Zonet Daifim at 7:30AM