Kalaymyo township-ah India lama phurh luh tur ruihhlo leh tangka fai tam tak man a ni.

#ZONEWS July 23, 2025: Sagaing region, Kalaymyo township Yaragyo (Ya Ra Chu) khua leh Letpanchaung khaw inkar, check gate-ah WY chhinchhiahna awm, ruihhlo mum nuai 8 leh tangka fai Kyats nuai 150 bakah phone 5 chu July ni 18 khan man a nih thu, Chin National Organization (Upper Chindwin Region) police pawlte chuan July ni 20 khan an thu chhuahah an tar lang a ni.

India lama tawlh luh tur ruihtheihthil mum chu, Bike 4 nen mi 5-in Kalaymyo atangin Tamu khaw lam an pan laiin an man a ni. Heng ruihtheihthil hi tulai rate-in Kyats nuai 1200-1400 man hu vel a nih thu hriat a ni.

Heng ruihtheihthilte hi India-a EM hnena pek luh tur a nih thu hriat a ni.

An man tak ruihtheihthil leh a phurtute chu, thu buai siamsakin dan anga hrem an nih dawn thu CNO chuan a sawi a ni.
Kalay-Kabaw chhehvelah ruihtheihthil tlawh te, a zuartu leh hmangtu te hriat an nih chuan man an ni ang a, na taka hrem an nih dawn thu an hriattir a ni.

Chin National Organization (Upper Chindwin Region)-te chet tlatna hmunah hian thalaite ruihhlo bawiha awm lo tur leh khawchhung mawi nan tualchhung nu leh pate nen ruihhlo do kawngah hmalaho turin a sawm bawk a ni.

Source: Tahan Post