Mattayar leh Pathein khawpuia Military council-te an beihnaah Military council sipai15 an thi a, sipai 16 man an ni.

#ZONEWS July 23, 2025:
Mandalay region, Mattayar leh Pathein township-a firfiak Military council-te inkulhna an beihnaah Military council sipai15 an thi a, captain pakhat telin sipai 16, a nung chunga an man bakah ralthuam tam tak an mansak thu, PDF-Mandalay thu puangtu Ko Aung Sa Mon chuan, Yangon Khit Thit media a hrilh a ni.
July ni 21 khan Mattayar township, Than Pyin Kone khua leh Pathein township, Tayet kaing leh Mya Kan Thar khuaa Military council sipai camp chu, PDF-Mandalay leh tang rual pawlten an lasak thu hriat a ni.
He inbeihnaah hian Military council-te Drone Jamba car pakhat, drone leh a kaihhnawih ralthuam tam tak an mansak thu, hriat a ni.

Heng bakah hian, firfiak Military council captain pakhat telin sipai 16, a nung chunga an man bakah firfiak Military council sipai ruang 15 an chhar a, hliam tuar an awm nual thu hriat a ni.

“Inbeih chhung hian Military council-te Thlawhnain an bei nasa hle a, Military council-ten an rawn pui bawk a, Military council sipaite chu computer college Thitawmoe battalion an chhuahsan a ni. Inbeihnaah Military council sipai ruang 15 chauh hmuh a ni a, hei ai hian an tam mai a, hliam tur pawh an tam khawp mai,” tiin PDF-Mandalay thu puangtu Ko Aung Sa Mon chuan a sawi.

He inbeihnaah hian, PDF-Mandalay, Mattayar MoeHman battalion, Mattayar township PDF leh SSTF pawlten an beih rawn thu, hriat a ni.

Source: Tahan Post