Chinland sawrkar chuan, a tum 3-na atan nurse training turte ko

#ZONEWS July 23, 2025: Chinland sorkar, Ministry of Health and Sports chuan, a tum 3-na nan nurse training turte a koh thu July ni 22 khan a thu chhuahah an tar lang a ni.

Chin State-ah damdawi lama mi thiam mamawhna a san avangin, Ministry of Health and Sports chuan nurse training a din a, tun tumah hian nurse zirlaite zirtirtu atan tawnhriat nei nurse mi 3 a koh thu hriat a ni.

Thawktute chu kum khat chhung thawk tura intiamkamna ziah tur a ni a, a tul angin pawh sei thei a ni bawk a, August ni 8, chawhnu dar 4 thleng dil theih a nih thu hriat a ni.
Hna dil turte chuan nurse Diploma nei emaw Bachelor degree nei emaw, nursing lehkha nei leh damdawi lama kum 2 chhung tawnhriat nei tawh bakah harsatna kara tawnhriat neite chu duhsak bik an nih dawn thu hriat a ni.

Thawk tura lakte hian zirlaite hnenah theory leh practical te, zir tur leh hmanraw buatsaih te, zirlaite zirtir leh thunun te, head leh Administration Ministry ten nen thawh ho te, zirlai test leh exam neih te, zirna hmun thianghlim thlan leh clinic-te a tul anga puihte hma a la tur a ni.

Hna dil turte chuan, mahni chanchin, thawh duh chhan te, nursing lehkha xerox copy, a thawh tawhna leh biak pawh theihna te chu, dg@chinlandmohs.org leh admin@chinlandmohs.org-ah thawnin emaw, Chinland sorkar, Ministry of Health and Sports, phone 09789012345-ah emaw, email: info@chinlandmohs.org-ah a dawr theih thu hriat a ni.

Source: Tahan Post