South India lam miten Political Party thar din puiah Pu K. Vanlalvena an sawm.

#ZONEWS July 23, 2024: Pu K. Vanlalvena hian ama Official Social Media Account-ah nimin (Nilaini) khan Parliament rorel inkhawmah opposition MP te an au bengchheng avanga house adjourned a nih hnuah Union Finance Minister a hmu tih a sawi a. Chumi hnu a quarter a thlen hnuah South India lam mi ṭhahnem takin a hu hova an len chilh thu leh Political party thar dinpui tura an sawm thu a sawi.

Mizoramin Rajya Sabha member a neih chhun Pu K. Vanlalvena chuan, an party hotu leh an thianpa Dampa bialtu MLA, Pu Lalrintluanga Sailo vuinaa a tel theih loh avanga rilru nuam lo nilenga awm tawh laia Party thar din tura sawm a ni chuan a rilru hah a tihzual thu a sawi a. A lawmawm lam a ni ve thoah ngai phawt mai ang!! Mi duh loh nih ai chuan…tiin a sawi zui.