ADVISER TO CM(FINANCE) IN NATIONAL HIGHWAY 306&06 DINHMUN A ENFIAH

#ZONEWS Kolasib July 25, 2025: Nimin khan National Highway 306&06 a Kawnpui leh Khamrang inkar kawng dinhmun chu Pu TBC Lalvenchhunga , Adviser to CM (Finance ) chuan a hmunah a enfiah.

Adviser to CM chuan he kawng hun rei tawh tak atanga buaipui a ni tawh chung pawh a tun thlenga lirthei tlan na atana him a siam ala nilo chu a pawi a tih thu sawiin, kawng siam chu chak zawk a kalpui a nih theih nan NHIDCL hotute chu darkar 6 danah an hmalakna report pe turin a ti a. Harsatna an neih te pawh Sawrkar thuneitute hnena thlen hreh lo tur leh rang taka hmalakpui nghal zel an nih tur thu a sawi bawk.

Kawnpui leh Khamrang inkar kawngpui chhia ahhian kawng siam lai mek ah leimin leh thil dang avanga lirthei tlan theilo te leh Traffic Jam te a awm thin avangin NHIDCL hotute chu an khawl neih ang te atam zawk a thawhchhuahpui tura ngen an ni a. Contractor atanga report dawn danin tun hnaia kawng thawm that hna thawh mekah hian NHIDCL lam atang hian Excavator te leh JCB te bakah Road roller pakhat leh Motor Grader pakhat an inchhawp a, nizan atang khan Mizoram PWD chuan zan lama lirthei tang buaipui turin JCB 3 (pathum) an chhawp bawk.

Kawngpui siam hna hi kalpui mek anih avangin motor tlan dan pawh her danglam a ni a. Tun dinhmun a ruhmanna awm mek ah chuan chhun lamah Aizawl lam pan lirthei lian te chu Kawnpui daiah dan niin, Sairang kawng atanga Kawnpui lam pan te chu Khamrang-ah dan an ni a, zan lamah chhuah an ni thin a ni.

Adviser to CM hi NHIDCL atangin Executive Director thar Adelbert Susngi leh Technical Director Amarender Kumar ten an tawiawm a, Mizoram PWD atangin CE Highway Robin Lalrinawma leh SE Highway Circle I , Eddie Zothansanga ten tawiawmin, Kolasib atangin Pu Robert C Lalhmangaiha, Kolasib District Bawrhsap , Addl SP , NHIDCL aiawhte leh PWD Sr EE ten an tawiawm bawk a ni.