A hlawma ruihhlo tawlh champhai police ten an man

#ZONEWS August 01, 2025: Nizan dar 11:50 khan Champhai atanga Aizawl pan tur Taxi pakhat chu Champhai Police checkgate-ah endik niin Taxi kawngkhar chhunga thuhruk Heroin Hawng 31, Gram 364 a rit an man a.

A neitua puh mi 3 Taxi khalhtu C Zoramhluna, Biate tuna Chaltlang Lily venga khawsa nia insawi leh a mi phurh mi 2 Lalnunzira leh Lalthanmawia, Aizawl Chaltlang Lily Venga cheng nia inchhal ve ve te chu an man a. Vawiinah Champhai District Court-a hruai an ni ang a, Lung inah khung nghal an ni ang

Champhai Police-te ruihhlo man hi a hlawma ruihhlo tawlhna (Commercial Quantity) a tlin phak avangin a neitua puhte hi Court-in thiam loh a chantir a nih chuan Kum 10 aia tlem lo Lung in tang tur leh Cheng Nuai 2 thleng chawi tura hrem theih an ni.