Vawiin August ni 1 atang hian Aizawl khawpui chhunga lirthei tlan dan tih danglam tan a ni.

#ZONEWS August 01, 2025: Aizawl Traffic Sr. S.P Ruatsanga Ralte sawi danin lirthei intlanchhawk dan tih danglam avangin lirthei veivak a pung dawn a, hemi avang hian a hmun lova lirthei hung te vai turin Aizawl Municipal Corporation leh Traffic Police tangkawpin Flying Squad an din a ni.

Aizawl Traffic Sr.SP Ruatsanga sawi danin lirthei intlanchhawkna chu AMC area pumpui ni tawh lovin; Bawngkawn leh Kulikawn inkar main road: Chaltlang leh Ramhlun peng, Bangkawn atanga Kulikawn (Ngaizel, Tlangnuam leh Pika Road peng thleng) inkar via Chaltlang/ Ramhlun (Laldenga Road) – Chanmari – Lower & Upper Zarkawt – Dawrpui – Upper Khatla – Sikulpuikawn – Kulikawn, Sikulpuikawn leh Khatla inkar: Sikulpuikawn atanga MINECO peng (Marova Point)/ 23 sector A.R gate bul theng via Peter Street, Khatla, Khatla leh Vaivakawn inkar: Khatla Kawn atanga Vaivakawn Taxi Stand, Bazar Bungkawn peng thleng via Temple Square-ah te zing dar 9 leh a chanve atanga tlai dar 6 thleng a taka hman tan a ni tawh dawn a, Lirthei intlanchhawk hian Inrinni, Pathianni leh Sorkar chawlh te a huam lo a, kawngpui dung tarlan loh zawngah chuan a tlan theih vek tawh dawn a, hetihlai hian lirthei No Entry period nei hrangte erawh a huam lo thung tih a sawi a ni.

Taxi (LMV leh Two-Wheelers) te chu Group 5- A, B, C, D leh E ah then an ni dawn a. Kar khat chhungin group tinin nikhat zel tlan loh ni an nei ang a. Taxi intlanchhawk hian Thawhtanni atanga Zirtawpni apíangin zing dar 09:30 atanga dar 6:00 inkar a huam dawn a. Taxi intlanchhawk hian Inrinni leh Pathianni te a huam lo thung a ni.