LADC INTHLANPUI TURA SECTOR OFFICER TEN TRAINING NEI

#ZONEWS Lawngtlai November 15, 2025: Lai Autonomous District Council (LADC) hnuaia 12th  Member of District Council (MDC) inthlanpui 2025 – lo awm tur atan a inbuatsaihna kal zelah vawiin khan Sector Officers leh Police Sector Officer- ten DC Office Chamber-ah training nei.

Pu Donny Lalruatsanga chuan kalkhawmte hnena lawmthu sawina a nei hmasa a. Inthlanna hlawhtling tak nei turin an kutah thui tak a innghat tih hrechiang turin a chah a. Mahni sector huamchhungah an mawhphurna tha tak hlen a tul hle tiin, dan leh thupek kenkawh kawngah leh tha taka vote thlak a nih theihna tura an mawhphurna hre chiang turin vawina training pawh tha taka ngaithla leh zawm turin a chah a. A bik takin Lawngtlai District – ah inthlan a awm zing hle a, mipuiten an aiawh an thlan hi ‘democracy’ kalphung  a ni tih hriaa, phurrita la lo a, lungawi taka hlenchhuaktu nih tum theuh turin a fuih a. DEO chuan  Inthlanna fel fai leh tluang taka neih a nih theih nan a theihtawp chhuahpui tura sawmin duhsakna a hlan nghal bawk.

Pu Collin Hlychho, Election Officer (EO) chuan Sector Officer- te chu inthlanaah theihtawp chhuahpui turin a sawm a. Inthlanna tluang tak a nei tura an mawhphurhna hlen theuh turin a ngen a ni. 

Dr. Saithantluangi Zote (ARO) leh Pui Lalnunpuia Renthlei (Nodal Officer) chuan training an pe a. Sector Officer- te mawhphurhna hrang hrang, tih tur leh tih loh tur, harsatna lo thleng palha hmalak dan tur leh tul dang hrang hrangte zirhona neiin, zawhna leh chhanna hun hman nghal a ni. 

Vawiin training- ah hian Sector Officer leh Police Sector Officer- te an tel kim vek thei a ni.