Champhaiah “Block Level Skill Development Training & Hand-On Fish Processing And Value-addition” hun buatsaih a ni.

#ZONEWS Champhai August 08, 2025: Champhai District Fisheries Department leh MzSLRM Champhai District leh Khawbung RD Block te hmalaknain August ni 7 leh ni 8 khan BDO Conference Hall, Ruantlangah ni hnih awh Training MzSRLM hnuaia Self Help Group member thlanchhuah mi 18 te hnenah, Fish Processing and Value Addition (Sangha sawngbawl dan leh a hlutna tihpun dan) chi hrang hrang zirtirna pek an ni.

He hun ah hian Champhai District Fisheries Dev. Officer (DFDO) Pi Lalremsangpuii chuan training pein, Champhai nuho te’n dangdai tak leh thil thar zawk chher chhuah a duh thu sawiin heng hun hmang hian SHG Champhai District tih hmasawn a duh thu a sawi. Sangha sawngbawl dan leh ei siam dan hrang hrang Fish Pickle, Fish Steaks, Fish Fillet, Fish Cutlet leh Fish ball siam dan te training pein hei hi mimal pawha eizawnna tlaka an siam chhuah theih nan a zirtir a ni. Chumai bakah sumdawnna atan sangha-um dan (fermentation), tunlaia Sangha um lar NGARI siamdan leh khawl tel kher loa sangha vawnthat dan tur chi hrang hrang a zirtir bawk.

He training programme hi Dr.Vanlalnunpuii, BDO, Champhai in lo dawngsawngin training hi a kaihruai a ni.