Khawzawlah Nasha Mukt Bharat Abhiyan (NMBA) vawi 5-na hman dan tur rel

#ZONEWS Khawzawl August 08, 2025: Vawiin chawhma dar 11 khan DC Chamber Khawzawlah Nasha Mukt Bharat Abhiyan (NMBA) kum 5-na lawm dan tur chungchang sawi ho turin District NMBA Committee an thukhawm a, Khawzawl Bawrhsap, Pu K. Vanlalthiana’n a kaihruai.

Nasha Mukt Bharat Abhiyan (NMBA) 5th Anniversary hi August ni 13, 2025 a hman tur a rel a ni a. He mi ni hian zing lam leh chawhnu lamah Programme neih tur a ni a, zing lam ah hian dar 6:30 ah ‘Rally’ neih tur niin, Taidawnkawn, Zaingen veng atanga chhuah tur a ni ang. He hunah hian intiamkamna hun neih a ni dawn bawk a, Model High School, Govt. Khawzawl High School, Khawzawl Higher Secondary School te leh Govt. Khawzawl College zirlai naupang te tel tura beisei an ni. Chawhnu lamah hian Zaingen YMA hall-ah Programme hman leh tur niin, hemi hunah hian Khawzawl chhung school zawng zawng a High school chin chunglam Zirlai naupang te (30 theuh) tel tura beisei an ni.

Bawrhsap, Pu K. Vanlalthiana chuan ruihhlo that lohzia leh a dona kawnga thalaite pawimawhzia sawiin, Khawzawl District thalaite ruihhlo doa khawtlang entawn tlak ni turin a sawm a, ruihhlo lama tlan an tlem zel nan NMBA member te theihtawp chhuah lehzual turin a sawm.

He hunah hian NMBA memberte kim takin an tel a ni.