Pu B Lalchhanzova’n Serchhipah Independence Day Football Tournament lawmman a sem

#ZONEWS Serchhip August 16, 2025: Serchhip District Football Association (SDFA) buatsaih Independence Day Football Tournament final chu vawiin khan Serchhip Sports Complex-ah khelh a ni a. Lawmman hi Supply Minister Pu B Lalchhanzova’n a sem a ni.

Independence Day Football Final hi Independence Day lawmna neih zawh hnuah, chawhnu lamah khel tan a ni a. Hmar Veng Football Club te leh Vengchung Football Club te chuan final an khel a, Hmar Veng Football Club hi 2-1 in an chak a ni. He Tournament ah hian First Division Club 8 an tel a. Hmar Veng FC chuan Fair Play Team lawmman an dawng bawk a. Best Player-ah Hmar Veng FC Lalbiaktluanga thlan niin top scorer chu HFC Young Boys Wilbur Lallawmkima a ni.

Serchhip District Women Football Championship 2025 lawmman sem nghal a ni a. He Tournament ah hian Eklavya Model Residential School te chu champion-in, Brilliant Higher Secondary School te chuan pahnihna lawmman a dawng a ni.