Lungleiah DRA-in non-governmental clinical establishment-te an endik

#ZONEWS Lunglei December 3, 2025: Vawiin khan Lunglei District chhunga hriselna dinhmun enfiahna leh inentirna (clinical establishment)-te dan anga chhinchhiah leh khuahkhirh tura din, District Registering Authority (DRA) hnuaia inspection team chuan Lungleia Non-Governmental Clinical Establishment-te an endik.

Inspection Team-ah hian DRA member-te – Senior Medical Superintendent Dr Laldinmawii, Deputy CMO Dr Christina Zonunmawii, SDC Pi Lalnunchhani Hnamte, DSP (Hqrs) Pi C. Ramnunmawii leh Clinical Establishment staff-te an tel a. Vawiin khan Faith Hospital and Research Centre, John Williams Hospital, Faith Hospital, Hope Hospital, Christian Hospital Serkawn leh Emmanuel Polyclinic te an endik a, tun kar Zirtawpni thlengin endikna hi kalpui a ni ang.

Inspection Team chuan hospital leh clinic te’n Clinical Establishments (Registration and Regulation) Act, 2010 leh Mizoram Clinical Establishments (Registration and Regulation) Rules, 2014 an zawm ṭhat leh ṭhat loh te, chhinchhiahna thuziak signage) an tar tur chi hrang hrangte an tar kim em tih te, Bio-Medical Waste Management Rules 2016 an zawm dik em tih te an endik a. Hospital staff-te chu an damdawi ina himna leh fimkhurna tur hrang hrang zawm ṭha tur te, an bawlhhlawh leh hnawmhnawkte mipui tana hlauhawm leh hnawksaka siam lo tura fimkhur tur te’n an chah bawk.

Clinical Establishments Act hnuaiah hian Lunglei District-ah private establishment inziak lut 44 an awm a, government establishment 15 an awm bawk.