Saitualah District-ah Thawnthu insawisiak hmanga inelna neih a ni

#ZONEWS Saitual July Ni 25, 2025 Zirawpni: Vawiin khan DC Conference Hall Saitualah, thawnthu insawisiak- District Level Story Telling Competition neih a ni.

He hunah hian District Bawrhsap Dr. Lalngura Tlau chuan inlawmna thu a sawiin, intihsiaknaa telte chu Saitual District tihmingṭhatu ni tur leh District aiawh zo ngei tura theih tawp chhuah turin a sawm a, a duhsakna a hlan nghal bawk a ni.

He intihsiaknaah hian mi 10 telin Saitual District chhunga hmun nuam leh tlawh chakawm tak takte chanchin ngaihnawm takin an insawisiak a, intihsiaknaa ti ṭha mi pahnih (2) thlan chhuahte chuan 8th August 2025-a State level tihsiaknaah Saitual District ai an awh dawn a ni.

Vawiina intihsiaknaah hian pakhatna atanga pathumna thleng thlan chhuah an ni dawn a, a ti ṭha zual mi pahnih hnenah Consolation Prize pek an ni dawn bawk a ni.