Arsenal star Kai Havertz leh a nupui Sophia Weber te chuan ngawi rengin $200,000 (₹1,71,99,241) zet mai chu restaurant pakhatah tuilian tuarte leh a chhanchhuaktute chaw ei siamna turin an lo pe reng mai.

#ZONEWS July 14, 2025: USA-a Texas State chu nasa tak maiin tuilianin a tichhia a, in leh lo leh nunna tam tak an chana an buai hle a ni tih kan hria a. Chhanchhuaktu lam pawh an hah hle mai. Hetiang karah hian infiammi tam takin tanpuina an pe tih pawh kan hria a. Football star, Arsenal hmatawng Kai Havertz leh a nupui Sophia Weber te pawh ngawi rengin an lo che chhuak a. Tuilian an tawrhna hmuna tualchhung Restaurant pakhat, a hming Grape Juice tih restaurant-ah ngawi rengin $200,000 (India pawisaa ₹1,71,99,241) zet mai chu an lo pe ve reng mai a. Hei hi tuilian tuar mi sang eng emaw zat leh chhanchhuaktute chaw eitur buatsaihnan an pek a ni.

Havertz-a te nupa hian an thiltih hi an tlangzarh lem lova, ngawi rengin an lo ti a; Chhanchhuaktu zing a mi volunteer pakhatin an thiltih chungchang- ruah sur kara chaw bawm an khai lai thlalak a post atangin miten an lo hre ve chauh a ni. Midangin an lo hriat takah chuan, Havertz chuan a hnuah, “Midang lo hriattura ti kan ni lo a, Texas hian an mal tuar lo a ni tih hria se kan duh mai a ni,” tiin a sawi a ni.

Media-a intar lan pawh an duh lo a, an thiltih thla pawh an la lem lo, tui a lo len khan, hmun him lama tlan chhe mai lovin, volunteer-te an pui ve a, sandbag-te nen, thil hrang hrang an pe kual ve a, chaw ei turte an lo sem ve bawk a ni.

Volunteer pakhat, Jared Lowe chuan Kai Havertz te nupa chungchang a hmuh dan tihian a sawi a, anni nupa che vel, chau hmel pu hauh lova, tui bottle chawi kual a, chaw bawm keng kual leh, a tulnaah tuite dai bawrh bawrh a, lo chawl tura an tih pawha chawl duh miah lo, volunteer te lo pui a hmuh thu a sawi a.

“A tir chuan tute nge an nih han rin ngaihna pawh ka hre lo a. Thlala tura rawn kal ni lovin, hna rawn thawk tura rawn kal chu an ni ngei mai. Kai Havertz chuan a khawngaih avanga mittui tling chunga tuilian laka inseng hawi kum upa zawkte eitur a pe lai ka hmu a ni,” tiin tualchhung thuthar thehdarhtute a hrilh a ni.

A hma Pathianni thleng khan tuman an hre lo a, Volunteer pakhatin social media-ah Havertz leh Sophia te thlalak, ruahsur kara huh vek chunga, eisiamna hmuna, motor atanga thil an hlang thla lai a lo dah chhuak a. A caption-ah, “Hero tak tak ten camera an mamawh lo” tia a ziak chu, darkar reilote chhungin a darh (viral) ta chiam a. Texas mite leh fans ten an ngaihsan thu leh an thiltih an ngaihhlut thu social media lamah an ziak ta chuah chuah a ni.

Arsenal chet dan hian mite thinlung a hneh hle a. Arsenal ngawi renga chetna hian hun thim berah pawh, “rin lohnaber hmun atang pawhin eng a lo kal leh thei a ni tih min zirtir a ni,” tiin, mi tam ta thinlungah thu a sawi nasa hle a ni.

Kai Havertz hian German ram tuilian tuarte tan sum leh pai thawhin, nasa takin a takin a che chhuaka, chumai ni lovin, midangte pawh tanpuina pe ve turin a lo hrilh tawh bawk a ni. Football star a nih piah lamah pa rilru tha leh pa ropui tak chu a lo ni ve hrim hrim e.

#zonews #infiamna #article #arsenal #kaihavertz