Assembly Constituency hrang hranga Booth Level Officers Training neih zawh a ni

#ZONEWS July 17, 2025: Election Commission of India in “National Training Programme for Booth Level Officers” July 2 – 17, 2025 chhunga India ram puma buatsaih tura hriattirna a chhuah angin Mizoramah pawh ni 10.07.2025 atang khan Booth Level Officer 1301 te tan training buatsaih a ni a, vawiin ni 17.07.2025 hian training batch hnuhnung ber chu zawh a ni.

Training hi District Election Officer ten anmahni district huamchhunga BLO theuhte tan an buaitsaih a, Assembly Constituency tin a hrang theuha training hi neih niin Electoral Registration Officer (ERO) bakah District Level Master Trainer ten training an pe a ni. He training hi Mizoram chhunga BLO 1301 (sangkhat zathum pakhat) te tan intuaitharna a nih mai bakah kan hma lawka Special Intensive Revision of Electoral Roll neih tur atana inbuatsaihna a ni nghal bawk a ni.

Election Commission of India chuan Indian Institute of Decomcracy and Election Management, New Delhi ah state hrang hranga BLO thlan chhuah bikte tan training a buatsaih mek bawk a. Mizoram atangin Assembly Constituency tin aiawhin BLO pakhat theuh, an vaiin BLO 40 chu training-ah hian an tel ve tawh a. He training-a telte hi tun tuma BLO training buatsaihah hian anmahni Assembly Constituency theuhah Trainer anga hman zui an ni bawk.